Пейгъамберимиз ﷺ деди: «Юдже Аллах (Субханаху ва Та’аля) онынъ намазы себебинден эвинде хайыр ерлештире».
Эгер инсан озь эвинде намаз окъуса, бу намаз себебинден Юдже Аллах (Субханаху ва Та’аля) онынъ эвине хайыр насиб эте. Бу хайыр неде ола? Шейх ибн Усеймин дей, бир талай джеэтте ола: 1) намаз окъулгъан ерге берекет эндириле; 2) хайыр амель япмасы инсанларнынъ назарларындан узакъта ола; 3) аиленъе намазны огретмек ве бу ибадетке севгини ашламакъ.
Онынъ ичюн, юфакъ бала бабасынынъ намаз окъугъаныны корьсе, о бабасына ошап башлай, яшы юфакъ олса биле, онынъ юреги намазгъа къаршы севгинен синъириле.
Пейгъамберимиз ﷺ деди: «Юдже Аллах анъылгъан ве анъылмагъан эвлерни, тири ве олюнен къиясламакъ мумкюн».
Юдже Аллах анъылгъан эв – бу тири эвдир, Юдже Аллах анъылмагъан эв исе – бу ольген эвдир.
Шейх ибн Усеймин, хадисни иза этеркен, деди: «Къуран окъумакъ, «ля иляха илля-Ллах» (тахлиль), «субхана-Лллах» (тесбих), «Аллаху Акбар» (текбир) сёзлерини айтмакъ, бильги огренмекте бунъа кире. Бильги талап этмек – бу Юдже Аллахны анъмакътыр».
Бакъынъыз, насыл Юдже Аллах (Субханаху ва Та’аля) Озь Пейгъамбери ﷺ иле бизлерге Оны анъмагъа тешвикъ эте. Эвинъиз зикрлерден махрум къалмамасы ичюн озь эвлнеринъизде Юдже Аллахны чокъ анъынъыз. Апайларынъызгъа эвлядларынъызгъа тешвикъ этинъиз, олар ичюн къасевет этинъиз. Олардан соранъыз, бугунь Къураннынъ бир болюмини окъудылармы, сабах ве акъшам зикрлерини яптылармы? Эвинъизде Юдже Аллах чокъ анъылмасы ичюн, бу хайырнен эвинъиз толмасы ичюн, озь якъынларынъыз ичюн къасеветленинъиз. Эвинъиден шейтан къувмакъ ичюн, эвинъизге мелеклер кельмелери ичюн, рахмет ве берекет эндирильмеси ичюн. Бу берекет яшайышынъызда чокъ олсун. Чюнки, эгер Юдже Аллах анъылса, инсангъа алюфеде берекет бериле – ашта, ичимликлерде, эр бир шейде берекет пейда ола. Не себебинден? Юдже Аллахны анъмакъ себебинден. Юдже Аллахны аш устюне анъсанъ, эвинъ буннен толаджакъ, сеннен берабер шейтанлар ашап оламайджакълар.
Инсанлар анънамайлар, оларнынъ Юдже Аллахны анъмакътан юз вечирмелери себебинден, эвлеринден берекет кете. Икътисат ашагъа тюшти деп шикает этелер, бутюн къабаатны укюмдарда корелер. Онъа къаршы чыкъып башлайлар, исьян япалар. Бу белялар сенинъ себебинъден ола деп не ичюн сен тюшюнмейсинъ? Сен буларнынъ эписине себепсинъ. Сен Юдже Аллахтан кереги киби къоркъмайсынъ.
Шейтанлар хъырсызлагъанларындан хаберинъиз бармы? Базы вакъыт инсанларнынъ малы джоюла ве оны тапмагъа имкян олмай. Шейтан хырсызлай. Бу ривает этильген. Шейтан сенинъ малынъны хырсызлап фалджыларгъа яда этнеджилерге яда башкъа душманларгъа бере билир. Булар эписи Юдже Аллах пек аз анъылгъан яда асла анъылмагъан себебинден. Бу буюк бир беля. Бу фелякеттир.
❁⚜️❁•••••┈┈•••••❁⚜️❁•••••❁⚜️❁•••••❁⚜️❁•••••┈┈•••••❁⚜️❁
Peyğamberimiz ﷺ dedi: «Yüce Allah (Subhanahu va Ta’alâ) onıñ namazı sebebinden evinde hayır yerleştire».
Eger insan öz evinde namaz oqusa, bu namaz sebebinden Yüce Allah (Subhanahu va Ta’alâ) onıñ evine hayır nasib ete. Bu hayır nede ola? Şeyh ibn Üseymin dey, bir talay ceette ola: 1) namaz oqulğan yerge bereket endirile; 2) hayır amel yapması insanlarnıñ nazarlarından uzaqta ola; 3) aileñe namaznı ögretmek ve bu ibadetke sevgini aşlamaq.
Onıñ içün, yufaq bala babasınıñ namaz oquğanını körse, o babasına oşap başlay, yaşı yufaq olsa bile, onıñ yüregi namazğa qarşı sevginen siñirile.
Peyğamberimiz ﷺ dedi: «Yüce Allah añılğan ve añılmağan evlerni, tiri ve ölünen qiyaslamaq mümkün».
Yüce Allah añılğan ev – bu tiri evdir, Yüce Allah añılmağan ev ise – bu ölgen evdir.
Şeyh ibn Üseymin, hadisni iza eterken, dedi: «Quran oqumaq, «lâ ilâha illâ-Llah» (tahlil), «subhana-Lllah» (tesbih), «Allahu Akbar» (tekbir) sözlerini aytmaq, bilgi ögrenmekte buña kire. Bilgi talap etmek – bu Yüce Allahnı añmaqtır».
Baqıñız, nasıl Yüce Allah (Subhanahu va Ta’alâ) Öz Peyğamberi ﷺ ile bizlerge Onı añmağa teşviq ete. Eviñiz zikrlerden mahrum qalmaması içün öz evlneriñizde Yüce Allahnı çoq añıñız. Apaylarıñızğa evlâdlarıñızğa teşviq etiñiz, olar içün qasevet etiñiz. Olardan sorañız, bugün Qurannıñ bir bölümini oqudılarmı, sabah ve aqşam zikrlerini yaptılarmı? Eviñizde Yüce Allah çoq añılması içün, bu hayırnen eviñiz tolması içün, öz yaqınlarıñız içün qasevetleniñiz. Eviñiden şeytan quvmaq içün, eviñizge melekler kelmeleri içün, rahmet ve bereket endirilmesi içün. Bu bereket yaşayışıñızda çoq olsun. Çünki, eger Yüce Allah añılsa, insanğa alüfede bereket berile – aşta, içimliklerde, er bir şeyde bereket peyda ola. Ne sebebinden? Yüce Allahnı añmaq sebebinden. Yüce Allahnı aş üstüne añsañ, eviñ bunnen tolacaq, sennen beraber şeytanlar aşap olamaycaqlar.
İnsanlar añnamaylar, olarnıñ Yüce Allahnı añmaqtan yüz veçirmeleri sebebinden, evlerinden bereket kete. İqtisat aşağa tüşti dep şikayet eteler, bütün qabaatnı ükümdarda köreler. Oña qarşı çıqıp başlaylar, isyan yapalar. Bu belâlar seniñ sebebiñden ola dep ne içün sen tüşünmeysiñ? Sen bularnıñ episine sebepsiñ. Sen Yüce Allahtan keregi kibi qorqmaysıñ.
Şeytanlar hırsızlağanlarından haberiñiz barmı? Bazı vaqıt insanlarnıñ malı coyula ve onı tapmağa imkân olmay. Şeytan hırsızlay. Bu rivayet etilgen. Şeytan seniñ malıñnı hırsızlap falcılarğa yada etnecilerge yada başqa duşmanlarğa bere bilir. Bular episi Yüce Allah pek az añılğan yada asla añılmağan sebebinden. Bu büyük bir belâ. Bu felâkettir.
Тазе тефсирлер