Latin urufatında oqumaq
Эй Аллахнынъ къуллары, Раббинъиз Озь Язысында бойле буюрмакъта:
إِنَّمَا الْمُؤْمِنُونَ إِخْوَةٌ
«Му’минлер анджакъ къардаштырлар».
(«аль-Худжурат», 49:10).
Пейгъамберимиз ﷺ деди:
المُسْلِمُ أخُو المُسْلِمِ
«Мусульман мусульманнынъ къардашыдыр».
Аль-Бухари (2442) ве Ибн Хиббан(533).
Ве кенеде Пейгъамберимиз ﷺ деди:
المُؤْمِنَ لِلْمُؤْمِنِ كَالْبُنْيَانِ يَشُدُّ بَعْضُهُ بَعْضًا
«Иман эткен инсан дигер иман эткен инсангъа къаршы, санки бир бина киби, онынъ бир болюми дигер болюмини тутмакъта».
Аль-Бухари (6026) ве Муслим (2585) теслим эттилер.
Ве Пейгъамберимиз ﷺ деди: «Бири бирини севмекте, бири бирини аджымакъта, бири бирине къайгъыдаш олмакъта иман этерлер. Олар санки бир вуджуд киби, эгер бир аза къасталанса бутюн вуджуд сыджакъ кётерильмесинен ве юкъусызлыкънен къаршы чыкъар».
Бёйлеликнен, эй Аллахнынъ къуллары! Бирликни, севгини, бераберликни ве къуветни тек Ислям динине къайтмакънен тапа билирмиз. Онынъ ичюн эр заман ве бугунь бизим вазифемиз:
- Гюнахларны ве Аллахнынъ сёзюнден чыкъмакъны къалдырмакъ;
- Тюрлю диний янъылыкъларны къалдырмакъ. Янъылыкъларны ред этинъиз! Пейгъамберимизнинъ ﷺ Суннетине сым-сыкъ сарылынъыз;
- Ширктен ве онынъ тюрлю чешитлеринден узакълашмакъ, акъикъий Ислямгъа къатий ишанчымызда, усулиетимизде, ёлумызда ве табиатымызда къайтмакътыр.
Пейгъамберимиз ﷺ бизлерге къасталыкъ ве шефаат неде олгъаныны огретти. Мусульманлар бойле дурумда къалгъанларынынъ себеплерини, не ичюн мусульманлар бугунь агъыр вазиетте олгъанларынынъ себеплерини, бу меселелерни насыл чезмек керек олгъаныны эр тарафтан ве эр тюрлю топлумлардан эшитмек мумкюн. Амма булар эписи ялан! Пейгъамберимиз ﷺ бизлерге къасталыкъны ве онынъ насыл тедавилемек керек олгъаныны гюзель шекильде огретти. О ﷺ деди:
إذا تبايعتم بالعِينةِ وأخذتم أذنابَ البقرِ ورضيتم بالزرعِ وتركتم الجهادَ سلط اللهُ عليكم ذُلًّا لا ينزعُه شيءٌ حتى ترجعوا إلى دينِكم
«Эгер бири биринъизнен мурабаа иле алыш вериш япып башласанъыз, эгер сиз сыгъырларнынъ къуйрукъларына япышсанъыз (яни бу дюньягъа батсанъыз ве ахиретинъизни унутсанъыз), зираатчылыкънен разы олуп Аллах ёлунда гъайрет этмекни къалдырсанъыз, Юдже Аллах (Субханаху ва Та’аля) сизлерге зиллет ёллатыр ве дининъизге къайтмагъанынъызгъа къадар бу алдан сизлерни чыкъармаз».
Эбу Дауд (3462), аль-Базаар (5887) ве ат-Табарани (2417) теслим эттилер.
Сиз неге къайтмагъана къадар?! Миллетчиликке?! Федаийликке?! Тюрлю сиясет топлум ве фиркъаларгъа къафадар олмакъкъа?! Ёкъ, сиз Мухаммеднынъ ﷺ олгъан динине къайтмагъана къадар. Сизнинъ къайтаджакъ ильк меншенъиз – бу Къуран ве Суннеттир. Сизнинъ излейджек ёлунъыз – бу Пейгъамберимизнинъ ﷺ сахабелерининъ ёлудыр. Бу инсаннынъ озь Ислямынен акъикъий, ихляслы, дюрюст гъурурланмасыдыр. Бу Ислямда булунмакъта менсюплик арамасынынъ орьнегидир.
Бу орьнекни бизлерге Пейгъамберимиз ﷺ кетирди ве о акъкъында бизлерге Убай ибн Ка’аб ривает эте. О дей:
«Бир заман Пейгъамберимизнинъ ﷺ девиринде эки инсан онынъ огюнде озь зууры акъкъында лаф этип башладылар. Олардан бириси деди:
أَنَا فُلَانُ بْنُ فُلَانٍ بْنِ فُلَانٍ، فَمَنْ أَنْتَ لَا أُمَّ لَكَ؟
«Мен фелячынынъ огълу фелянчым, сен исе кимсинъ? Ананъдан махрум къал!» Пейгъамберимиз ﷺ бу сёзлерни эшитип бойле деди:
انْتَسَبَ رَجُلَانِ عَلَى عَهْدِ مُوسَى -عَلَيْهِ السَّلَامُ-، فَقَالَ أَحَدُهُمَا: أَنَا فُلَانُ بْنُ فُلَانٍ، حَتَّى عَدَّ تِسْعَةً، فَمَنْ أَنْتَ لَا أُمَّ لَكَ؟ قَالَ: أَنَا فُلَانُ بْنُ فُلَانٍ ابْنُ الْإِسْلَامِ.
«Айни бойле шей Мусанынъ (алехи селямнынъ) девиринде олгъан. Мусанынъ девиринде эки инсан озь зууры акъкында хатырлап башлагъанлар. Экисинден бириси: «Мен фелячынынъ огълу фелянчым» деп докъуз аталарыны анъгъан. – Сен исе ким оласынъ? Ананъдан махрум къал!» Экинджиси исе деди: «Мен фелячынынъ огълу фелянчым, Ислямнынъ огълу олам.
أبي الإسلام لا أب لي سواه إذا افتخروا بقيس أو تميم
Меним бабам – Ислям ве башкъа бабам ёкъ. Адамлар Къайс яда ат-Тамима къабилесине зуур олгъанына гъурурлансынлар.
Аллах Буюктир! Озь адыны, сонъ исе бабасынынъ адыны хатырлады , сонъ исе озюни Ислямгъа менсюп олгъаныны хатырлады.
Бизде озюмизни Ислямгъа менсюп олгъанымызны сеслендиремиз. Инсанлар озь зууры Къайс яда ат-Тамими къабилесинден олгъанынен гъурурлансынлар. Олар кавказ миллети, тюрк миллети яда араб миллети яда фарс миллети олгъанларынен гъурурлансынлар. Адамлар гъурурлансынлар, амма мен мусульман олгъанымнен гъурурланам.
Девамында не олды? Пейгъамберимиз ﷺ тариф эте:
قَالَ: فَأَوْحَى اللَّهُ إِلَى مُوسَى -عَلَيْهِ السَّلَامُ-: أَنَّ هَذَيْنِ الْمُنْتَسِبَيْنِ، أَمَّا أَنْتَ أَيُّهَا الْمُنْتَمِي أَوِ الْمُنْتَسِبُ إِلَى تِسْعَةٍ فِي النَّارِ، فَأَنْتَ عَاشِرُهُمْ، وَأَمَّا أَنْتَ يَا هَذَا الْمُنْتَسِبُ إِلَى اثْنَيْنِ فِي الْجَنَّةِ، فَأَنْتَ ثَالِثُهُمَا فِي الْجَنَّةِ
«Олар бири бирине бойле сёзлер айткъанынен Юдже Аллах (Субханаху ва Та’аля) Мусагъа (алейхи селям) вахий эндирди: «Бири бирине озь зууры акъкъында айткъан кимселерге хабер эт: “Озюни докъуз атасына багълагъанны алсакъ, онынъ докъуз атасы Джехеннем атешинде, о исе онунджыдыр. Озюни экисине багълагъанны алсакъ, бу экиси Дженнетте, о исе учюнджидыр”».
Бу хадисни имам Ахмад теслим этти.
Эй Ислям уммети! Шубесиз буюкликни Ислямда аранъыз! Озюнъизни Ислямгъа багъланъыз, Къуран ве Суннетке не эндирильди исе, онынъ пешинден кетинъиз. Бакъынъыз, озюнъни Ислямгъа багъламакъ ве Ислямнен гъурурланмакъ – бу Дженнетке алып кеткен ильк ёлдыр. Бу — гъалебеге ве юксекликке ильк ёлдыр. Озюнъни тюрлю джаиль девирлернинъ принциплерине багъламакъ – бу ашалав, маскъаралыкъ ве мытлакъа Джехеннемге алып кетеджек ёл.
Эльбетте, бу вакъиядан пек чокъ файдалы нетиджелер чыкъармагъа мумкюн. Амма биз бир къач нетиджеде токътайджамыз.
Биринджиси – инсаннынъ энъ буюк менсюплиги – бу онынъ Ислямгъа менсюп олмасыдыр. Буны унутманъыз! Инсаннынъ энъ буюк менсюплиги – бу бир миллетке яда бир къабилеге менсюп олмасы дегильдир, бу Ислямгъа менсюп олмасыдыр. Ве билинъиз ки, тек бу менсюпликке шариат изин берди, чюнки Юдже Аллах (Субханаху ва Та’аля) бизлерни мусульман деп адландырды. Онынъ ичюн дигер тарафдарлыкъ асла ёкътыр. Къабилеге яда миллетке яда бир топлумгъа яда бир фиркъагъа афакъанлы тарафдарлыкъ олмакъ – бу шей Ислямда ёкъ! Онынъ ичюн миллетчиликке яда топлум ве фиркъаларгъа болюнмекке давет эткен сасыкъ чагъырув ве шиарларны къалдырынъыз.
يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ. وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِن قَبْلُ وَفِي هَذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ
«Эй, иман эткенлер! Руку этинъ; седждеге барынъ; Раббинъизге ибадет этинъ; хайыр ишленъ ки, къуртулышкъа ириширсинъиз. Аллаh огърунда, хакъкъыны беререк, джихад этинъ. О, сизни сечти; дин хусусында усьтюнъизге ич бир зорлыкъ юклемеди; бабанъыз Ибрахимнинъ дининде (де бойле эди). Пейгъамбернинъ сизге шаат олувы, сизинъ де инсанларгъа шаат олувынъыз ичюн, О, истер даа эвель (кельген китапларда), истер бунда (Къур’анда) сизге «мусульманлар» адыны берди. Ойле исе, намазны къылынъ; зекятни беринъ ве Аллаhкъа сым-сыкъы сарылынъ. О, сизинъ мевлянъыздыр. Не гузель мевлядыр, не гузель ярдымджыдыр!»
(«аль-Хадж», 22:77-78).
Эй Аллахнынъ къуллары, Юдже Аллах (Субханаху ва Та’аля) бизлерни мусульман деп адландырды ве Пейгъамберимиз ﷺ бизлерге бойле адланмагъа эмир этти.
Пейгъамберимиз ﷺ деди:
من ادَّعى دَعوى الجاهليَّةِ فإنَّهُ من جُثى جَهَنَّم
«Ким де ким джаиллик девирининъ чагъырувына давет этсе, о тиз чёкюп Джехеннем атешине тюшеджек». Адамлар дедилер: «Эй Аллахнынъ эльчиси, бу инсан намаз окъуса дахи? Ораза тутса дахи?»
وإن صلَّى وصامَ، فادعوا بدَعوى اللَّهِ الَّذي سمَّاكمُ المسلِمينَ المؤمنينَ، عبادَ اللَّهِ
«Намаз окъугъан ве ораза туткъан олса биле. Эй Аллахнынъ къуллары, сизлерни мусульман ве иман эткенлер деп адландыргъан Юдже Аллахнынъ чагъырувынен чагъырынъыз».
Сахих ат-Тирмизи (2863) топлумында ривает этиле.
Онынъ ичюн, эй Аллахнынъ къуллары, эй мусульманлар, джаиллик девивлерининъ чагъырувларыны къалдырын! Джаилликке фанатик тарафдарлыгъынъызны къалдырынъ! Фитнелерни къалдырынъ! Эй мусульманлар, бугуньки куньде сизлернен не олаятыр?! Озь миллетинъизнен гъурурланасынъыз, миллет ве къабиле себебинден бири биринъизнен тартышасынъыз, бири биринъизни устюнъизден кулесинъиз, дигер миллетлерни къусурлы саясынъыз. Аллах буюктир! Сизнинъ ибадет эткен Раббинъиз бирдир. Юзюнъизни чевирген Къибланъыз бирдир. Сиз бир Пейгъамберни излейсинъиз, дининъизни бир чокъракътан аласынъыз – бу Къуран ве Пейгъамберимизнинъ Суннети. Онынъ ичюн бунъа къайтынъыз, эй Аллахнынъ къуллары!
Бу риваеттен экинджи нетидже – бир шейге яда бир кимсеге севги ве терсине бир шейни яда бир кимсени ред этмек («аль-уаля уаль-бара») тек Ислям темели иле къурулмакъ керек. Бир кимсеге яда бир шей озь севгинъни яда ред этменъни тюрлю джаиль принциплер темели иле къурмагъа ясакътыр. Биз бир фиркъа – Юдже Аллахнынъ фиркъасы олмамыз ичюн бизим севгимиз Юдже Аллахкъа (Субханаху ва Та’алягъа), Онынъ Пейгъамберине ве иман эткенлерге ёнельтильмек керек. Тек о вакъыт биз Аллахнынъ рухсети иле гъалебе къазанырыкъ.
Бир кере Пейгъамберимиз ﷺ озь сахабелеринен сеферде булуна эдилер. Ве бойле шей олып кечти: мухаджирлерден олгъан бир генч ансарлардан олгъан инсаннынъ белинден ашасына урды. Шу дакъкъасы бу ансар аяккъа турып: «Ансарлар манъа келинъ», — деди. Мухаджир исе аякъкъа турып: «Эй мухаджирлер манъа келинъ», — деди. Яни адамлар озь менсюплигине коре эки топлумгъа бёлюндилер. Буны корюп Пейгъамберимиз ﷺ ачувланды ве деди:
ما بالُ دَعْوى الجاهليَّة
«Мен даа аранынъызда олгъан заман бу насыл джаиль девирлернинъ чагъырувы?!» Адамлар дедилер: «Эй Аллахнынъ эльчиси, бир инсан экинджи инсанны белинден ашагъа урды». Пейгъамберимиз ﷺ деди:
دَعُوها فإنَّها مُنتنةٌ
«Бу чагъырмаларны къалдырынъыз! Олар сасыкъ!»
аль-Бухари (3518), Муслим (2584), ат-Тирмизи (3315), ан-Насаи (8863) ве Ахмад (15129) теслим эттилер.
Онынъ ичюн, эй Аллахнынъ къуллары, бизим гъалебеге ве буюкликке къаршы ёлумыз – бу тек Ислям ёлудыр. Онынъ ичюн келинъиз биринджиде ширкнынъ эр бир сыфатындан узакълашайыкъ, янъылыкълардан узакълашайыкъ, гюнахларны ред этейик ве Юдже Аллахкъа къайтайыкъ. Тек О бизлерге ерни мирас оларакъ берер, тек О бизлерни къуртарыр, тек О бизим къоркъумызны хавфсызлыкъкъа денъиштире билир.
Юдже Аллахкъа ялварамыз, мусульманларны динлерине энъ гузель къайтышнен къайтарсын.
••❁⚜️❁••❀🔹❀••❁⚜️❁••❀🔹❀••❁⚜️❁••❀🔹❀••❁⚜️❁••❀🔹❀••❁⚜️❁••
Men – İslâmnıñ oğlum
Ey Allahnıñ qulları, Rabbiñiz Öz Yazısında böyle buyurmaqta:
إِنَّمَا الْمُؤْمِنُونَ إِخْوَةٌ
«Mu’minler ancaq qardaştırlar».
(«al-Hucurat», 49:10).
Peyğamberimiz ﷺ dedi:
المُسْلِمُ أخُو المُسْلِمِ
«Musulman musulmannıñ qardaşıdır».
Al-Buhari (2442) ve İbn Hibban(533).
Ve kenede Peyğamberimiz ﷺ dedi:
المُؤْمِنَ لِلْمُؤْمِنِ كَالْبُنْيَانِ يَشُدُّ بَعْضُهُ بَعْضًا
«İman etken insan diger iman etken insanğa qarşı, sanki bir bina kibi, onıñ bir bölümi diger bölümini tutmaqta».
Al-Buhari (6026) ve Müslim (2585) teslim ettiler.
Ve Peyğamberimiz ﷺ dedi: «Biri birini sevmekte, biri birini acımaqta, biri birine qayğıdaş olmaqta iman eterler. Olar sanki bir vucud kibi, eger bir aza qastalansa bütün vucud sıcaq köterilmesinen ve yuqusızlıqnen qarşı çıqar».
Böyleliknen, ey Allahnıñ qulları! Birlikni, sevgini, beraberlikni ve quvetni tek İslâm dinine qaytmaqnen tapa bilirmiz. Onıñ içün er zaman ve bugün bizim vazifemiz:
1) Günahlarnı ve Allahnıñ sözünden çıqmaqnı qaldırmaq;
2) Türlü diniy yañılıqlarnı qaldırmaq. Yañılıqlarnı red etiñiz! Peyğamberimizniñ ﷺ Sunnetine sım-sıq sarılıñız;
3) Şirkten ve onıñ türlü çeşitlerinden uzaqlaşmaq, aqiqiy İslâmğa qatiy işançımızda, usuliyetimizde, yolumızda ve tabiatımızda qaytmaqtır.
Peyğamberimiz ﷺ bizlerge qastalıq ve şefaat nede olğanını ögretti. Musulmanlar böyle durumda qalğanlarınıñ sebeplerini, ne içün musulmanlar bugün ağır vaziyette olğanlarınıñ sebeplerini, bu meselelerni nasıl çezmek kerek olğanını er taraftan ve er türlü toplumlardan eşitmek mümkün. Amma bular episi yalan! Peyğamberimiz ﷺ bizlerge qastalıqnı ve onıñ nasıl tedavilemek kerek olğanını güzel şekilde ögretti. O ﷺ dedi:
إذا تبايعتم بالعِينةِ وأخذتم أذنابَ البقرِ ورضيتم بالزرعِ وتركتم الجهادَ سلط اللهُ عليكم ذُلًّا لا ينزعُه شيءٌ حتى ترجعوا إلى دينِكم
«Eger biri biriñiznen murabaa ile alış veriş yapıp başlasañız, eger siz sığırlarnıñ quyruqlarına yapışsañız (yani bu dünyağa batsañız ve ahiretiñizni unutsañız), ziraatçılıqnen razı olup Allah yolunda ğayret etmekni qaldırsañız, Yüce Allah (Subhanahu va Ta’alâ) sizlerge zillet yollatır ve diniñizge qaytmağanıñızğa qadar bu aldan sizlerni çıqarmaz».
Ebu Daud (3462), al-Bazaar (5887) ve at-Tabarani (2417) teslim ettiler.
Siz nege qaytmağana qadar?! Milletçilikke?! Fedaiylikke?! Türlü siyaset toplum ve firqalarğa qafadar olmaqqa?! Yoq, siz Muhammednıñ ﷺ olğan dinine qaytmağana qadar. Sizniñ qaytacaq ilk menşeñiz – bu Quran ve Sunnettir. Sizniñ izleycek yoluñız – bu Peyğamberimizniñ ﷺ sahabeleriniñ yoludır. Bu insannıñ öz İslâmınen aqiqiy, ihlâslı, dürüst ğururlanmasıdır. Bu İslâmda bulunmaqta mensüplik aramasınıñ örnegidir.
Bu örnekni bizlerge Peyğamberimiz ﷺ ketirdi ve o aqqında bizlerge Ubay ibn Ka’ab rivayet ete. O dey:
«Bir zaman Peyğamberimizniñ ﷺ devirinde eki insan onıñ ögünde öz zuurı aqqında laf etip başladılar. Olardan birisi dedi:
أَنَا فُلَانُ بْنُ فُلَانٍ بْنِ فُلَانٍ، فَمَنْ أَنْتَ لَا أُمَّ لَكَ؟
«Men felâçınıñ oğlu felânçım, sen ise kimsiñ? Anañdan mahrum qal!» Peyğamberimiz ﷺ bu sözlerni eşitip böyle dedi:
انْتَسَبَ رَجُلَانِ عَلَى عَهْدِ مُوسَى -عَلَيْهِ السَّلَامُ-، فَقَالَ أَحَدُهُمَا: أَنَا فُلَانُ بْنُ فُلَانٍ، حَتَّى عَدَّ تِسْعَةً، فَمَنْ أَنْتَ لَا أُمَّ لَكَ؟ قَالَ: أَنَا فُلَانُ بْنُ فُلَانٍ ابْنُ الْإِسْلَامِ.
«Ayni böyle şey Musanıñ (alehi selâmnıñ) devirinde olğan. Musanıñ devirinde eki insan öz zuurı aqkında hatırlap başlağanlar. Ekisinden birisi: «Men felâçınıñ oğlu felânçım» dep doquz atalarını añğan. – Sen ise kim olasıñ? Anañdan mahrum qal!» Ekincisi ise dedi: «Men felâçınıñ oğlu felânçım, İslâmnıñ oğlu olam.
أبي الإسلام لا أب لي سواه إذا افتخروا بقيس أو تميم
Menim babam – İslâm ve başqa babam yoq. Adamlar Qays yada at-Tamima qabilesine zuur olğanına ğururlansınlar.
Allah Büyüktir! Öz adını, soñ ise babasınıñ adını hatırladı , soñ ise özüni İslâmğa mensüp olğanını hatırladı.
Bizde özümizni İslâmğa mensüp olğanımıznı seslendiremiz. İnsanlar öz zuurı Qays yada at-Tamimi qabilesinden olğanınen ğururlansınlar. Olar kavkaz milleti, türk milleti yada arab milleti yada fars milleti olğanlarınen ğururlansınlar. Adamlar ğururlansınlar, amma men musulman olğanımnen ğururlanam.
Devamında ne oldı? Peyğamberimiz ﷺ tarif ete:
قَالَ: فَأَوْحَى اللَّهُ إِلَى مُوسَى -عَلَيْهِ السَّلَامُ-: أَنَّ هَذَيْنِ الْمُنْتَسِبَيْنِ، أَمَّا أَنْتَ أَيُّهَا الْمُنْتَمِي أَوِ الْمُنْتَسِبُ إِلَى تِسْعَةٍ فِي النَّارِ، فَأَنْتَ عَاشِرُهُمْ، وَأَمَّا أَنْتَ يَا هَذَا الْمُنْتَسِبُ إِلَى اثْنَيْنِ فِي الْجَنَّةِ، فَأَنْتَ ثَالِثُهُمَا فِي الْجَنَّةِ
«Olar biri birine böyle sözler aytqanınen Yüce Allah (Subhanahu va Ta’alâ) Musağa (aleyhi selâm) vahiy endirdi: «Biri birine öz zuurı aqqında aytqan kimselerge haber et: “Ozüni doquz atasına bağlağannı alsaq, onıñ doquz atası Cehennem ateşinde, o ise onuncıdır. Özüni ekisine bağlağannı alsaq, bu ekisi Cennette, o ise üçüncidır”».
Bu hadisni imam Ahmad teslim etti.
Ey İslâm ümmeti! Şübesiz büyüklikni İslâmda arañız! Özüñizni İslâmğa bağlañız, Quran ve Sunnetke ne endirildi ise, onıñ peşinden ketiñiz. Baqıñız, özüñni İslâmğa bağlamaq ve İslâmnen ğururlanmaq – bu Cennetke alıp ketken ilk yoldır. Bu — ğalebege ve yükseklikke ilk yoldır. Özüñni türlü cail devirlerniñ printsiplerine bağlamaq – bu aşalav, masqaralıq ve mıtlaqa Cehennemge alıp ketecek yol.
Elbette, bu vaqiyadan pek çoq faydalı neticeler çıqarmağa mümkün. Amma biz bir qaç neticede toqtaycamız.
Birincisi – insannıñ eñ büyük mensüpligi – bu onıñ İslâmğa mensüp olmasıdır. Bunı unutmañız! İnsannıñ eñ büyük mensüpligi – bu bir milletke yada bir qabilege mensüp olması degildir, bu İslâmğa mensüp olmasıdır. Ve biliñiz ki, tek bu mensüplikke şariat izin berdi, çünki Yüce Allah (Subhanahu va Ta’alâ) bizlerni musulman dep adlandırdı. Onıñ içün diger tarafdarlıq asla yoqtır. Qabilege yada milletke yada bir toplumğa yada bir firqağa afaqanlı tarafdarlıq olmaq – bu şey İslâmda yoq! Onıñ içün milletçilikke yada toplum ve firqalarğa bölünmekke davet etken sasıq çağıruv ve şiarlarnı qaldırıñız.
يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ. وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِن قَبْلُ وَفِي هَذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ
«Ey, iman etkenler! Ruku etiñ; secdege barıñ; Rabbiñizge ibadet etiñ; hayır işleñ ki, qurtulışqa irişirsiñiz. Allah oğrunda, haqqını bererek, cihad etiñ. O, sizni seçti; din hususında üstüñizge iç bir zorlıq yüklemedi; babañız İbrahimniñ dininde (de böyle edi). Peyğamberniñ sizge şaat oluvı, siziñ de insanlarğa şaat oluvıñız içün, O, ister daa evel (kelgen kitaplarda), ister bunda (Qur’anda) sizge «musulmanlar» adını berdi. Öyle ise, namaznı qılıñ; zekâtni beriñ ve Allahqa sım-sıqı sarılıñ. O, siziñ mevlâñızdır. Ne güzel mevlâdır, ne güzel yardımcıdır!»
(«al-Hac», 22:77-78).
Ey Allahnıñ qulları, Yüce Allah (Subhanahu va Ta’alâ) bizlerni musulman dep adlandırdı ve Peyğamberimiz ﷺ bizlerge böyle adlanmağa emir etti.
Peyğamberimiz ﷺ dedi:
من ادَّعى دَعوى الجاهليَّةِ فإنَّهُ من جُثى جَهَنَّم
«Kim de kim caillik deviriniñ çağıruvına davet etse, o tiz çöküp Cehennem ateşine tüşecek». Adamlar dediler: «Ey Allahnıñ elçisi, bu insan namaz oqusa dahi? Oraza tutsa dahi?»
وإن صلَّى وصامَ، فادعوا بدَعوى اللَّهِ الَّذي سمَّاكمُ المسلِمينَ المؤمنينَ، عبادَ اللَّهِ
«Namaz oquğan ve oraza tutqan olsa bile. Ey Allahnıñ qulları, sizlerni musulman ve iman etkenler dep adlandırğan Yüce Allahnıñ çağıruvınen çağırıñız».
Sahih at-Tirmizi (2863) toplumında rivayet etile.
Onıñ içün, ey Allahnıñ qulları, ey musulmanlar, caillik devivleriniñ çağıruvlarını qaldırın! Caillikke fanatik tarafdarlığıñıznı qaldırıñ! Fitnelerni qaldırıñ! Ey musulmanlar, bugünki künde sizlernen ne olayatır?! Öz milletiñiznen ğururlanasıñız, millet ve qabile sebebinden biri biriñiznen tartışasıñız, biri biriñizni üstüñizden külesiñiz, diger milletlerni qusurlı sayasıñız. Allah büyüktir! Sizniñ ibadet etken Rabbiñiz birdir. Yüzüñizni çevirgen Qiblañız birdir. Siz bir Peyğamberni izleysiñiz, diniñizni bir çoqraqtan alasıñız – bu Quran ve Peyğamberimizniñ Sunneti. Onıñ içün buña qaytıñız, ey Allahnıñ qulları!
Bu rivayetten ekinci netice – bir şeyge yada bir kimsege sevgi ve tersine bir şeyni yada bir kimseni red etmek («al-ualâ ual-bara») tek İslâm temeli ile qurulmaq kerek. Bir kimsege yada bir şey öz sevgiñni yada red etmeñni türlü cail printsipler temeli ile qurmağa yasaqtır. Biz bir firqa – Yüce Allahnıñ firqası olmamız içün bizim sevgimiz Yüce Allahqa (Subhanahu va Ta’alâğa), Onıñ Peyğamberine ve iman etkenlerge yöneltilmek kerek. Tek o vaqıt biz Allahnıñ ruhseti ile ğalebe qazanırıq.
Bir kere Peyğamberimiz ﷺ öz sahabelerinen seferde buluna ediler. Ve böyle şey olıp keçti: muhacirlerden olğan bir genç ansarlardan olğan insannıñ belinden aşasına urdı. Şu daqqası bu ansar ayakqa turıp: «Ansarlar maña keliñ», — dedi. Muhacir ise ayaqqa turıp: «Ey muhacirler maña keliñ», — dedi. Yani adamlar öz mensüpligine köre eki toplumğa bölündiler. Bunı körüp Peyğamberimiz ﷺ açuvlandı ve dedi:
ما بالُ دَعْوى الجاهليَّة
«Men daa aranıñızda olğan zaman bu nasıl cail devirlerniñ çağıruvı?!» Adamlar dediler: «Ey Allahnıñ elçisi, bir insan ekinci insannı belinden aşağa urdı». Peyğamberimiz ﷺ dedi:
دَعُوها فإنَّها مُنتنةٌ
«Bu çağırmalarnı qaldırıñız! Olar sasıq!»
al-Buhari (3518), Müslim (2584), at-Tirmizi (3315), an-Nasai (8863) ve Ahmad (15129) teslim ettiler.
Onıñ içün, ey Allahnıñ qulları, bizim ğalebege ve büyüklikke qarşı yolumız – bu tek İslâm yoludır. Onıñ içün keliñiz birincide şirknıñ er bir sıfatından uzaqlaşayıq, yañılıqlardan uzaqlaşayıq, günahlarnı red eteyik ve Yüce Allahqa qaytayıq. Tek O bizlerge yerni miras olaraq berer, tek O bizlerni qurtarır, tek O bizim qorqumıznı havfsızlıqqa deñiştire bilir.
Yüce Allahqa yalvaramız, musulmanlarnı dinlerine eñ güzel qaytışnen qaytarsın.
Тазе тефсирлер