Эй Аллахнынъ къуллары, мен сизге хатырлайым ки, байрамлар – бу диннинъ парчаларыдыр, ве олар инсанны динге менсюп олгъаныны корьсете, онынъ ичюн не заман Пейгъамберимиз ﷺ Мединеге кочьти, о инсанларнен эки байрамны (Навруз ве Махраджан) къайд эткенлерини корьди, ве олардан бу куньлер акъкъында сорады. Онъа дедилер: «Биз бу куньлерде байрам кечиремиз ве къуванамыз». О заман Пейгъамберимиз ﷺ оларгъа деди: «Юдже Аллах сизлерге бу куньлерни даан гузель олгъан эки куннен авуштырды: Рамазан ве Къурбан Байрамларынен». [1]
Онынъ ичюн, сизнинъ Яратыджынъыз, сизнинъ Раббинъиз тайын эткен байрамлардан гъайры, башкъа байрамларны къайд этмеге ясакъ этти. Бу байрамларнен тебриклемеге, оларда иштиракъ этмеге, оларны кечирмекте ярдым этмеге – булар эписи ясакътыр.
مَنْ تَشَبَّهَ بِقَوْمٍ فَهُوَ مِنْهُمْ
«Ким дед ким бир миллетке ошамагъа истесе, о олардандыр». [2]
__
1] Ривает этиле, Энес ибну Малик (Аллах ондан разы олсун) деди: «Мухаммед Пейгъамберимиз ﷺ Мединеге кельген вакъытында, Мединенынъ сакинлеринде [ансарларда] эки байрам куню бар эди [Навруз ве Махраджан] ве бу куньлерде олар ойнай эдилер. “Бу насыл куньлер?” деп, о ﷺ сорады. Олар дедилер: “Биз джаиллик девиринде, бу куньлерни къайд этип, кувъана ве ойнай эдик”. О заман Аллахнынъ Эльчиси ﷺ деди: “Акъикъатен, Юдже Аллах (Субханаху ва Та’аля) сизлерге даан гузель олгъан эки гузель (байрам куньлеринен) авуштырды: Къурбан Байрам [Ид аль Адха] ве Рамазан Байрамнен [Ид аль Фитр]”». Аби Дауд (1134). Шейх аль-Альбани: «Сахих», деди. Муслимнынъ шартларына коре бу хадиснынъ багълантылары сахих, айни бойле аль-Хаким деди, аз-Захаби исе онен къаиль олды. «Сахих Аби Дауд» (4/297).
2] Аби Дауд. Ас-Сунан, хадиснынъ № 4031. Шейх аль-Альбани бу хадисны сахих олгъаныны тасдыкълады, «Иръуа-у-ль-галиль» (Т. 5. С. 109).
•••••❁⚜️❁•••••┈┈•••••❁⚜️❁•••••❁⚜️❁•••••❁⚜️❁•••••┈┈•••••❁⚜️❁•••••
Ey Allahnıñ qulları, men sizge hatırlayım ki, bayramlar – bu dinniñ parçalarıdır, ve olar insannı dinge mensüp olğanını körsete, onıñ içün ne zaman Peyğamberimiz ﷺ Medinege köçti, o insanlarnen eki bayramnı (Navruz ve Mahracan) qayd etkenlerini kördi, ve olardan bu künler aqqında soradı. Oña dediler: «Biz bu künlerde bayram keçiremiz ve quvanamız». O zaman Peyğamberimiz ﷺ olarğa dedi: «Yüce Allah sizlerge bu künlerni daan güzel olğan eki künnen avuştırdı: Ramazan ve Qurban Bayramlarınen». [1]
Onıñ içün, sizniñ Yaratıcıñız, sizniñ Rabbiñiz tayın etken bayramlardan ğayrı, başqa bayramlarnı qayd etmege yasaq etti. Bu bayramlarnen tebriklemege, olarda iştiraq etmege, olarnı keçirmekte yardım etmege – bular episi yasaqtır.
مَنْ تَشَبَّهَ بِقَوْمٍ فَهُوَ مِنْهُمْ
«Kim ded kim bir milletke oşamağa istese, o olardandır». [2]
__
1] Rivayet etile, Enes ibnu Malik (Allah ondan razı olsun) dedi: «Muhammed Peyğamberimiz ﷺ Medinege kelgen vaqıtında, Medinenıñ sakinlerinde [ansarlarda] eki bayram künü bar edi [Navruz ve Mahracan] ve bu künlerde olar oynay ediler. “Bu nasıl künler?” dep, o ﷺ soradı. Olar dediler: “Biz caillik devirinde, bu künlerni qayd etip, kuvana ve oynay edik”. O zaman Allahnıñ Elçisi ﷺ dedi: “Aqiqaten, Yüce Allah (Subhanahu va Ta’alâ) sizlerge daan güzel olğan eki güzel (bayram künlerinen) avuştırdı: Qurban Bayram [İd al Adha] ve Ramazan Bayramnen [İd al Fitr]”». Abi Daud (1134). Şeyh al-Albani: «Sahih», dedi. Müslimnıñ şartlarına köre bu hadisnıñ bağlantıları sahih, ayni böyle al-Hakim dedi, az-Zahabi ise onen qail oldı. «Sahih Abi Daud» (4/297).
2] Abi Daud. As-Sunan, hadisnıñ № 4031. Şeyh al-Albani bu hadisnı sahih olğanını tasdıqladı, «İrua-u-l-galil» (T. 5. S. 109).
Тазе тефсирлер