بسم الله الرحمن الرحيم
Latin urufatında oqumaq
Эй Аллахнынъ къуллары, юфакъ гунахларнен ихмал этменъиз. Языкъ олсун ки, бугунь ки куньлерде мусульманларнынъ алы шу ки, олар гунахларны ихмал этелер. Юдже Аллах (Субханаху ва Та’аля) эпимизни догъуртсын.
Гунахлар къоркъулы бир шейдир, чюнки гунахлар – бу ашагъыланманынъ, ёкъсуллыкънынъ ве агъыр вазиетнинъ себеплеридир. Бу сыкъ омюрнинь себебидир, тюрлю къасталыкъларнынъ таркъалмасынынъ себеплеридир. Бу ягъмурларнынъ ягъмагъаныны я да къытлыкъ олмасынынъ себеплеридир. Бу душманларнынъ басмасынынъ ве енъмесининъ себеплеридир.
Юдже Аллах (Субханаху ва Та’аля) бизлерни тенбилей ве бойле буюра:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا
«Ким де, Мени анъувдан юзь чевирсе, шубесиз, онынъ сыкъынтылы бир аяты оладжакъ».
(«Та Ха», 20:124).
Бир заман Пейгъамберимиз ﷺ адамларгъа мураджаат этти ве бойле деди:
يَا مَعْشَرَ الْمُهَاجِرِينَ خَمْسٌ إِذَا ابْتُلِيتُمْ بِهِنَّ، وَأَعُوذُ بِاللَّهِ أَنْ تُدْرِكُوهُنَّ:
«Эй мухаджирлер (инсанларнынъ энъ гузеллерине айта)! Беш шей ве эгер сиз оларнен сыналсанъыз (ве сонъуна къадар айтып етмеди, яни ондан сонъ асыл хайыр олмайджакъ), бу куньлерге етмеменъизге мен Юдже Аллахкъа дуа иле ялварам!»
لَمْ تَظْهَرِ الْفَاحِشَةُ فِي قَوْمٍ قَطُّ، حَتَّى يُعْلِنُوا بِهَا، إِلَّا فَشَا فِيهِمُ الطَّاعُونُ، وَالْأَوْجَاعُ الَّتِي لَمْ تَكُنْ مَضَتْ فِي أَسْلَافِهِمُ الَّذِينَ مَضَوْا
Эгер бир милетте бозукълыкъ таркъалып башласа, инсанлар бу бозукълыкъны ачыкъ япып башласалар, оларнынъ арасында мытлакъа эвелькилернинъ хабери биле олмагъан къасталыкълар пейда оладжакътыр.
وَلَمْ يَنْقُصُوا الْمِكْيَالَ وَالْمِيزَانَ، إِلَّا أُخِذُوا بِالسِّنِينَ، وَشِدَّةِ الْمَئُونَةِ، وَجَوْرِ السُّلْطَانِ عَلَيْهِمْ
Эгер адамлар теразиде алдатып башласалар, олар мытлакъа мал-мульк етмемезлигинен ве оларгъа къаршы укюмдарлар адалетсизли давранышларынен сыналаджакълар.
وَلَمْ يَمْنَعُوا زَكَاةَ أَمْوَالِهِمْ، إِلَّا مُنِعُوا الْقَطْرَ مِنَ السَّمَاءِ، وَلَوْلَا الْبَهَائِمُ لَمْ يُمْطَرُوا
Эгер инсанлар озь малларындан зекятларыны толемекни ред этселер, олар ягъмурдан махрум къаладжакълар. Эгер айванлар олмаса эди, асла бир тамчы биле ягъмур ягъмаз эди.
وَلَمْ يَنْقُضُوا عَهْدَ اللَّهِ، وَعَهْدَ رَسُولِهِ، إِلَّا سَلَّطَ اللَّهُ عَلَيْهِمْ عَدُوًّا مِنْ غَيْرِهِمْ، فَأَخَذُوا بَعْضَ مَا فِي أَيْدِيهِمْ
Эгер Юдже Аллах тарафындан ве Онынъ Эльчиси тарафындан тюзюльген анълашмаларыны бозып башласалар (яни мусульманлар ве кяфирлер арасында япылгъан анълашма, мусульманлар кяфирлерге хавфсызлыкъ кефиллигини берелер) *, о вакъыт Юдже Аллах (Субханаху ва Та’аля) олардан олмагъан душманларны ёллатаджакъ ве бу душманлар оларнынъ малларындан бир парчасыны аладжакълар.
وَمَا لَمْ تَحْكُمْ أَئِمَّتُهُمْ بِكِتَابِ اللَّهِ، وَيَتَخَيَّرُوا مِمَّا أَنْزَلَ اللَّهُ، إِلَّا جَعَلَ اللَّهُ بَأْسَهُمْ بَيْنَهُمْ
Эгер укюмдарларынъыз Аллахнынъ Китабы иле къарар чыкъармасалар, Аллахнынъ ёллаткъанында озь суаллерине джевап тапмасалар, о заман Аллах (Субханаху ва Та’аля) оларнынъ арасында душманлыкъ таркъатаджакъ».
Бу хадисни Ибн Маджа (4019), ат-Табарани (4671) ве аль-Хаким (8623) теслим эттилер.
* Бугуньки куньлерде олмакъта, инсанлар эжнеби бир мемлекетке келелер, оларнынъ визасыны алалар, озьлерини хавфсызлы олгъаныны корьсетелер, озьлеринден хавфсызлыкъ гарантиясы берелер, сонъ исе патлаталар, ольдюрелер я да машиналарнен басалар. Сиз буны къаерден алдынъыз? Бу насыл динден алынгъан? Бу бизим динимиз дегиль! Ве буны эр бир инсангъа анълатынъыз, бу бизим динимиз дегиль! Бойле арекетлернен олар не къадар зарар кетирмектелер. Оларнынъ артында ким тургъаныны мен бильмейим, амма бу инсанлар озьлерини мусульман деп саялар. Ве энъ къоркъунчлысы шу ки, чокъ мусульманлар оларгъа къол туталар ве бу гузель бир шей деп айталар: бала ве апай, имаесизлерни басалар, айни заманда олар о укюметнинъ ватандашлыгъыны алалар ве озьлеринден гарантия берелер. Онынъ ичюн Пейгъамберимиз ﷺ бойле деди: «Олардан олмагъан душманлар ёллатыладжакътыр, ве бу душманлар оларнынъ малларындан бир парчасыны аладжакълар».
••❁⚜️❁••❀🔹❀••❁⚜️❁••❀🔹❀••❁⚜️❁••❀🔹❀••❁⚜️❁••❀🔹❀••❁⚜️❁••
بسم الله الرحمن الرحيم
Ey Allahnıñ qulları, yufaq günahlarnen ihmal etmeñiz. Yazıq olsun ki, bugün ki künlerde musulmanlarnıñ alı şu ki, olar günahlarnı ihmal eteler. Yüce Allah (Subhanahu va Ta’alâ) epimizni doğurtsın.
Günahlar qorqulı bir şeydir, çünki günahlar – bu aşağılanmanıñ, yoqsullıqnıñ ve ağır vaziyetniñ sebepleridir. Bu sıq ömürnin sebebidir, türlü qastalıqlarnıñ tarqalmasınıñ sebepleridir. Bu yağmurlarnıñ yağmağanını ya da qıtlıq olmasınıñ sebepleridir. Bu duşmanlarnıñ basmasınıñ ve yeñmesiniñ sebepleridir.
Yüce Allah (Subhanahu va Ta’alâ) bizlerni tenbiley ve böyle buyura:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا
«Kim de, Meni añuvdan yüz çevirse, şübesiz, onıñ sıqıntılı bir ayatı olacaq».
(«Ta Ha», 20:124).
Bir zaman Peyğamberimiz ﷺ adamlarğa muracaat etti ve böyle dedi:
يَا مَعْشَرَ الْمُهَاجِرِينَ خَمْسٌ إِذَا ابْتُلِيتُمْ بِهِنَّ، وَأَعُوذُ بِاللَّهِ أَنْ تُدْرِكُوهُنَّ:
«Ey muhacirler (insanlarnıñ eñ güzellerine ayta)! Beş şey ve eger siz olarnen sınalsañız (ve soñuna qadar aytıp yetmedi, yani ondan soñ asıl hayır olmaycaq), bu künlerge yetmemeñizge men Yüce Allahqa dua ile yalvaram!»
لَمْ تَظْهَرِ الْفَاحِشَةُ فِي قَوْمٍ قَطُّ، حَتَّى يُعْلِنُوا بِهَا، إِلَّا فَشَا فِيهِمُ الطَّاعُونُ، وَالْأَوْجَاعُ الَّتِي لَمْ تَكُنْ مَضَتْ فِي أَسْلَافِهِمُ الَّذِينَ مَضَوْا
Eger bir milette bozuqlıq tarqalıp başlasa, insanlar bu bozuqlıqnı açıq yapıp başlasalar, olarnıñ arasında mıtlaqa evelkilerniñ haberi bile olmağan qastalıqlar peyda olacaqtır.
وَلَمْ يَنْقُصُوا الْمِكْيَالَ وَالْمِيزَانَ، إِلَّا أُخِذُوا بِالسِّنِينَ، وَشِدَّةِ الْمَئُونَةِ، وَجَوْرِ السُّلْطَانِ عَلَيْهِمْ
Eger adamlar terazide aldatıp başlasalar, olar mıtlaqa mal-mülk yetmemezliginen ve olarğa qarşı ükümdarlar adaletsizli davranışlarınen sınalacaqlar.
وَلَمْ يَمْنَعُوا زَكَاةَ أَمْوَالِهِمْ، إِلَّا مُنِعُوا الْقَطْرَ مِنَ السَّمَاءِ، وَلَوْلَا الْبَهَائِمُ لَمْ يُمْطَرُوا
Eger insanlar öz mallarından zekâtlarını tolemekni red etseler, olar yağmurdan mahrum qalacaqlar. Eger ayvanlar olmasa edi, asla bir tamçı bile yağmur yağmaz edi.
وَلَمْ يَنْقُضُوا عَهْدَ اللَّهِ، وَعَهْدَ رَسُولِهِ، إِلَّا سَلَّطَ اللَّهُ عَلَيْهِمْ عَدُوًّا مِنْ غَيْرِهِمْ، فَأَخَذُوا بَعْضَ مَا فِي أَيْدِيهِمْ
Eger Yüce Allah tarafından ve Onıñ Elçisi tarafından tüzülgen añlaşmalarını bozıp başlasalar (yani musulmanlar ve kâfirler arasında yapılğan añlaşma, musulmanlar kâfirlerge havfsızlıq kefilligini bereler) *, o vaqıt Yüce Allah (Subhanahu va Ta’alâ) olardan olmağan duşmanlarnı yollatacaq ve bu duşmanlar olarnıñ mallarından bir parçasını alacaqlar.
وَمَا لَمْ تَحْكُمْ أَئِمَّتُهُمْ بِكِتَابِ اللَّهِ، وَيَتَخَيَّرُوا مِمَّا أَنْزَلَ اللَّهُ، إِلَّا جَعَلَ اللَّهُ بَأْسَهُمْ بَيْنَهُمْ
Eger ükümdarlarıñız Allahnıñ Kitabı ile qarar çıqarmasalar, Allahnıñ yollatqanında öz suallerine cevap tapmasalar, o zaman Allah (Subhanahu va Ta’alâ) olarnıñ arasında duşmanlıq tarqatacaq».
Bu hadisni İbn Maca (4019), at-Tabarani (4671) ve al-Hakim (8623) teslim ettiler.
* Bugünki künlerde olmaqta, insanlar ejnebi bir memleketke keleler, olarnıñ vizasını alalar, özlerini havfsızlı olğanını körseteler, özlerinden havfsızlıq garantiyası bereler, soñ ise patlatalar, öldüreler ya da maşinalarnen basalar. Siz bunı qayerden aldıñız? Bu nasıl dinden alınğan? Bu bizim dinimiz degil! Ve bunı er bir insanğa añlatıñız, bu bizim dinimiz degil! Böyle areketlernen olar ne qadar zarar ketirmekteler. Olarnıñ artında kim turğanını men bilmeyim, amma bu insanlar özlerini musulman dep sayalar. Ve eñ qorqunçlısı şu ki, çoq musulmanlar olarğa qol tutalar ve bu güzel bir şey dep aytalar: bala ve apay, imayesizlerni basalar, ayni zamanda olar o ükümetniñ vatandaşlığını alalar ve özlerinden garantiya bereler. Onıñ içün Peyğamberimiz ﷺ böyle dedi: «Olardan olmağan duşmanlar yollatılacaqtır, ve bu duşmanlar olarnıñ mallarından bir parçasını alacaqlar».
Тазе тефсирлер