بسم الله الرحمن الرحيم
Latin urufatında oqumaq
Эй мусульманлар, эй Аллахнынъ къуллары! Кунь догъгъан сонъ батув келе. Башлангъан эр бир шей мытлакъа битмек керек. Бу Юдже Аллахнынъ, денишмейджек, бу хаятнен ве башкъа эр бир шейнен багълы олгъан язысыдыр.
Якъында, биз сабырсыз оларакъ мубарек рамазан айнынъ кельмесини беклеген эдик, бугунь исе онынъ екюнленмесине якъынлаштыкъ.
Бу кунь ве геджелерде, бизлерге Юдже Аллахкъа ибадет этмеси къолай олмасы ичюн бойсунмагъан шейтанлар зынджырларгъа бугъавланды.
Бу кунь ве геджелерде, озь амеллери иле Юдже Аллахкъа ёнельмеге истеген кимселер ичюн Дженнет къапулары ачыкъ эди.
Бу кунь ве геджелерде, озь гюнахларына афу тилеп истигъфар япкъан ве Аллахнынъ сёзюнден чыкъмакъны ташлагъан кимселерге Джехеннем къапулары къапалды.
Бу айда, эр гедже деллял бойле сёзлер иле мураджаат эте эди: «Эй хайыр япмагъа истеген кимсе, арекет эт! Эй зулум япмагъа истеген кимсе, токъта!»
Бу айда, эр гедже Юдже Аллах (Субханаху ва Та’аля) инсанларны Джехеннем атешинден азат этти. Бу айнынъ геджелеринде бинълер, бинълер ве бинълердже афу этильген, Джехеннемден азат этильгенлер олды.
Мубарек, парлакъ ай тезден бизлернен ведалашаджакъ.
Тек бир Юдже Аллах билир, чокъ кимселер ичюн яда базылары ичюн бунен ведалашмакъ сонъки сефер оладжакъ. Эгер нефслеримизде ве кальплеримизде алев, ынтылув ве акъыл бар исе, бу къалгъан геджелерни Юдже Аллахкъа ибадетте кечирмек фырсатыны биз насыл джоя билирмиз?!
Шимди, бойле онемли вакъытта бизим ынтылувымыз, авеслигимиз ве азимкярлыгъымыз насыл заифлеше билир ?! Насыл бош арзулар себебинден, «Мени Аллах багъышлар» ве «Мен бир шей япмаджам», деп бахт къазанмакъ мумкюн?! Бош арзулар тек ахмакълар ичюндир. Насыл гюнах ичинде, гъамсызлыкъ ичинде олып, Юдже Аллахнынъ багъышлавына умют этмек мумкюн?! Инсан къоркъу себебинден агълай, амма бу къоркъуны кетирген себеплерни къалдырмай. Арамызда Джехеннем атешинден азат олмагъа истемегенлер, Дженнет багъчаларыны истемегенлер бармы аджеба?
Онынъ ичюн Юдже Аллахтан къоркъунъыз ве бу айнынъ къалгъан къыскъа бир парчасынен къулланынъыз. Сонъ раатлыкъ ве хаз къазанмакъ ичюн шимди бир къач гедже гъайрет иле арекет этинъиз. Раатлыкъ ве хаз себебинден раатлыкъ ве хаз къазанылмагъаныны бутюн инсанлар бир тильде тасдыкълайлар. Раатланмакъ ве ондан сонъ раатлыкъ къазанмакъ? Бойле олмай.
Бу азиз мусафир тезден бизлерни къалдыраджакъ, бу геми тезден кетеджек. Онынъ ичюн бу геджелернен къулланып, о гемининъ кёгертесине минмеге ашыкъынъыз.
Къадыр геджесини аранъыз. Бельки о, къалгъан бу геджелернинъ ичиндедир. Бу гедже бинъ айдан даа хайырлыдыр. Пейгъамберимиз ﷺ деди:
«Ким де ким къадыр геджесини (Аллахнынъ мукяфатына) иман ве умют иле ибадетте кечирсе, онынъ бутюн кечмиш олгъан гюнахлары афу этиледжек».
Юдже Аллах (Субханаху ва Та’аля) дей:
«… бинъ айдан даа хайырлыдыр»
(«аль-Къадр», 97:3).
Фикир этип бакъынъыз! «Мен буны пек чокъ кере эшиттим», деп айта билирсинъиз, амма юрек эшитсин ве хатырласын. Юдже Аллах, сенинъ Раббинъ о гедже акъкъында дей: «… бинъ айдан даа хайырлыдыр».
Тасавур этинъиз! Бу геджеде япылгъан ибадетлер, инсаннынъ бинъ ай девамында япкъан амеллеринден даа хайырлыдыр! Бинъ ай – бу 30 бинъ гедже. Бир гедже 30 бинъ геджеден даа хайырлыдыр! Бир гедже, 83 йыл Юдже Аллахкъа ибадет этмектен даа хайырлыдыр!
Тасавур этинъиз: инсан 83 йыл омюрини Юдже Аллахкъа ибадетте кечире! Мына бу – Къадыр геджесининъ фиятыдыр.
Келинъиз, бу сонъки геджелерде чаремиз олгъан къадар гъайрет корьсетейик. Бельки биз бу мувафакъиетни къазанырыкъ, Къадыр гедженинъ ве онынъ амеллерини аларыкъ.
«Къадир геджесининъ не олгъаныны сен билесинъми?»
(«аль-Къадр», 97:2).
Эльбетте, бу энъ гюзель геджелер! Амма кальбинен ве рухынен Юдже Аллахкъа намаз къылгъанлар къана? Бу куньлерде Аллах ёлунда гъайрет корьсеткен ве масраф эткенлер къана? Бир гедже бинъ айдан даа файдалы олгъан тиджаретни япкъанлар къана? Бу тиджаретке ятырым япкъанлар къана? Бир ишчи адамгъа, сенинъ тиджаретинъ учь миллион фаиз кетиреджек десек, о бу тиджаретке япышмазмы аджеба? Юдже Аллах санъа бу тиджаретни теклиф эте – бир гедже 30 бинъ гедже кибидир.
Онынъ ичюн Пейгъамберимиз ﷺ бу геджелернинъ къийметини билип, озь аилесини гедже намазларына уята экен. Бу геджелерде Юдже Аллахкъа ибадет этип оладжакъ, дуа иле мураджаат этип оладжакъ эв сакинлеринъизни уятынъыз. Сахих хадислерде ривает этиле, Пейгъамберимиз ﷺ Фатимеге ве Алиге (Аллах олардан разы олсын) келип, оларнынъ къапуларыны къакъа экен ве айта экен:
«Еринъизден турып намаз къылмайсызмы».
Пейгъамберимиз ﷺ озь апайларынынъ одаларына кирип бойле айта экен:
«Ода сакинлерини уятынъыз, бельки бу дюньяда урбалы олгъан, Махшер куню чуплакъ оладжакътыр».
Къадыр геджеси, Рамазан айнынъ сонъки он геджесинде олгъаныны бизлерге Пейгъамберимиз ﷺ бельгиледи:
«Къадыр геджесини Рамазан айнынъ сонъки он геджелеринде къыдырынъыз».
Бельки бу гедже Рамазан айнынъ тек геджелериндедир, Пейгъамберимиз ﷺ деди:
«Оны Рамазан айнынъ сонъки он геджелеринде ве эр бир тек геджеде къыдырынъыз».
О, бу он гедженинъ ичиндедир. Ихтимал, бу тек геджедир, амма бу геджелернинъ эр бири ола билир. Юдже Аллах бизлерден бу бильгини сакълады. Не ичюн? Алимлер дейлер, бунынъ буюк хикмети бар: сен бу геджелерде гъайрет корьсетедженъ, тек бир геджеде дегиль. Чюнки, эгер инсанлар бу геджени насыл геджеде олгъаныны бильселер, олар тенбеллик корьсетеджеклер ве тек бу геджеде ибадет этеджеклер, бу исе имтихандыр. Бу буюк геджени, он гедже ичинде аранъыз.
Фырсатынъ олгъанда, бу вакъытнен шимди къуллан. Шимди Юдже Аллахкъа тенбелликтен ялвар. Эльбьетте, тенбеллик ве къуветсизлик сени енъе билирлер. Базы инсанлар болдурдыкъ дейлер. Ёкъ, Юдже Аллахкъа къуветсизликтен ве тенбеллигинъден къорчалав сора. Юдже Аллахтан ибадетинъде ярдым сора. Тек Онъа тевеккюль яп ве озь ибадетлеринъни зияделештир. Хайыргъа ынтылмакъны зияделештир, чаренъ олгъан къадар Юдже Аллахкъа якъынлаш.
Ве даа зияде – кенеде хатырлайым – даа зияде Юдже Аллахкъа Пейгъамберимизнинъ ﷺ Аише анамызгъа огреткен дуасыны къылмагъа тырыш.
«Аллахым, шубесиз Сен Багъышлайыджысынъ, багъышламагъа северсинъ, мени де багъышла».
/Аллахумма иннака ‘афуун, тухиббуль-‘афуа фа‘фу‘анни/».
Эй Аллахнынъ къуллары, бу дуа иле Юдже Аллахкъа ялварынъыз!
«Къулларым сенден мени сорагъанда (оларгъа сёйле): «Мен чокъ якъыным. Манъа дуа эткен вакъытта, дуа эткеннинъ тилегине къаршылыкъ беририм».
Ве билинъиз ки, эй Аллахнынъ къуллары, инсан ичюн Аллахнынъ энъ буюк нийметлеринден бириси – бу не заман инсаннынъ къальбинде Раббисинен къонушмадан, Онъа дуа япмакътан сефа ве хаз пейда ола. Эгер Юдже Аллах сенинъ къальбинъден Онъа дуа япмакътан ве Онъа мураджаат япмакътан пейда олгъан хазны алса, бу энъ буюк белялардан ве Аллахнынъ джезаларындандыр. Пейгъамберимиз ﷺ Аллахтан хушу олмагъан кальптен къорчалав сорамай эдими? Джевабы олмайджакъ дуадан къорчалав истемей эдими?
Билинъиз ки, Юдже Аллах (Субханаху ва Та’аля) инсаннынъ ихляслы дуасыны ред этмез, Онъа умют эткен инсанны умютсиз къалдырмаз. Ондан къуртулыш итсегенге къуртулуш насиб этер. Амеллернинъ сонъу хайыр олмасына, хайырлы нетидже къазанмагъа, дуа аджайип шекильде тесир эте. Амеллеримизде мувафакъиет къазанмакъ ве къазанчымызда Юдже Аллахтан берекет къазанмагъа, дуа пек буюк тесир эте.
Ич бир вакъыт Аллах джевапнен узата, деп тюшюнменъиз. Бунен къасеветленменъиз, чюнки бунынъ буюк хикмети бар. Бельки Юдже Аллах сенинъ даа чокъ дуа япкъанынъны истей. Чюнки дуа ве сенинъ бу дуаны япкъан алынъ, бу дуадан сонъ аладжакъ нетидженъден даа хайырлыдыр. Юдже Аллах (Субханаху ва Та’аля) сабыр эткенлерни север. Юдже Аллах (Субханаху ва Та’аля) Онынъ язысынен разы олгъанларны север.
Пейгъамберимиз ﷺ деди:
«Аранъызда дуа япып ве ашыкъып: «Мына мен дуа яптым, амма джевабы кельмей» демегенлернинъ дуасына джевап бериледжек».
Энъ гюзель дуа исе – бу кальптен чыкъкъан, сакълы, Юдже Аллахнынъ севген ер ве вакъытында япылгъан дуадыр: джума куню акъшам, ифтар вакъытында, седждеде, чюнки къул Раббисине энъ якъын олгъан ер — бу седждедир. Онынъ ичюн Пейгъамберимиз ﷺ деди:
«Энъ чокъ дуа седждеде япынъыз».
Шимди исе, гедже намазларыны къылгъанымызда, седждени узайтамыз, буны агъыр корьменъиз. Бу — бельки Юдже Аллахкъа дуа япмакъ ичюндир, дуа япмакъ ичюн бу энъ гюзель алдыр.
Къачырылгъанны ерине кетирмеге имкян олгъанда, хайыр амеллеринъизни зияделештиринъиз. Даа зияде хайыр амеллер япынъыз, бельки бахытлы олурсынъыз. Хадисте ривает этильгени киби, Пейгъамберимиз ﷺ :
«О, Рамазаннынъ сонъки он геджесинде башкъа вакъыттан даа зияде гъайрет эткен».
Аише анамыздан (Аллах ондан разы олсун) ривает этиле, о деди:
«Рамазан айнынъ сонъки он геджеси кельгенинен, Аллахнынъ эльчиси ﷺ озь изарыны къаттыджа багълагъан, озь геджесини тирильткен ве озь аилесини уяткъан».
Рамазан айнынъ сонъки геджелеринде апайларындан узакълашкъаны, ясакъ олгъаны ичюн дегиль, озь Раббисинен къонушмакънен, Раббисине якъынлашмакънен тавланмакъ ичюн. Бу геджелерде намаз окъумакъ ичюн ве дуа япмакъ ичюн озь аилесини уяткъан. Бу Юдже Аллах огюнде озь аилеси ичюн хакъ джевапкярлыкътыр.
Эй мусульманлар, эй Аллахнынъ къуллары! Билинъиз ки, бутюн амеллер сонъунда дегерленир. Бельки, инсан чалышты-чалышты, амма сонъунда гъамсызлыкъ япты. Аллах юджедир! Бу буюк бир беля, чюнки бутюн амеллер биткен сонъ дегерлене. Келинъиз Рамазан айнынъ сонъунда гъайрет корьсетейик, бельки эвельден къачыргъанымыз багъышланыр. Эгер исе гъамсызлыкъны ве къачырмакъны девам этсенъ, о заман Юдже Аллах эм къалгъан парчасы ичюн, эм кечкен парчасы ичюн сорайджакътыр. Рамазанынъ энъ гюзель шекильде битмеси ичюн гъайрет эт, чюнки Пейгъамберимиз ﷺ деди:
«Амеллер биткен сонъ эсаплана (дегерлене)».
Бу айны Аллахкъа къайтмакънен ве тёвбенен битирген инсан – бахытлы инсандыр. Эй Аллахнынъ къуллары, эпимизнинъ гюнахларымыз бар. Бу мубарек геджелернен къулланып бу фырсатны къачырмайыкъ. Чюнки афу къазанмакъ мумкюн, Джехеннем атешинден азатланмакъ мумкюн. Бу энъ буюк онъгъанълыкътыр!
Ондан гъайры, эй Аллахнынъ къуллары, чокъ инсанлар унуткъан бир меселени ачыкълайыкъ. Эльбетте, бу айда бизден талап этильген шейлерни гъайретнен япмакъ керекмиз. Амма унутманъыз ки, энъ онемлиси – бу Юдже Аллахнынъ бизден къабул этмесидир. Демек, биз Юдже Аллахтан оразамызны, намазымызны, дуаларымызны къабул этмесини сорамакъ керекмиз. Али (Аллах ондан разы олсун) деди:
«Амелинъизден даа зияде онынъ къабул олмасына къасеветленинъиз. Сиз Юдже Аллахнынъ айткъаныны эшитмединизми:
«Шубесиз Аллах тек такъва саиплеринден къабул эте».
Демек ки, Рамазанынъны гюзель битмесининъ алямети, бу айда япкъан амеллеринъни къабул олмасыны сорагъанынъдыр. Бу сахабелернинъ адети эди. сахабелер ве оларнынъ девамджылары ибадетлерини гюзель япмагъа тырыша эдилер, сонъ исе Юдже Аллахкъа бу ибадетлерни къабул этмесине дуа эте эдилер.
Девамджылар Рамазандан алты ай огюнде, бу айгъа яшап етмекни сорай эдилер, сонъ исе алты ай девамында амеллерини къабул олмасыны сорай эдилер.
Рамазаннынъ сонъки геджесинде Али (Аллах ондан разы олсун) бойле айта эди: «Кимден къабул олгъаныны бильсе эдим ве оларны тебриклесе эдим, ве кимден къабул олмагъаныны бильсе эдим ве оларгъа тазие айтса эдим».
Ибадетлери къабул олгъан кимселер, мен сизлерни хайырлайым. Ибадетлери къабул олмагъан кимселер, меним тазиемни къабул этинъиз, Юдже Аллах сизинъ фелякет алынъызны догъуртсын.
•┈┈••❀••🔹••❀••┈┈••┈┈••❀••🔹••❀••┈┈••┈┈••❀••🔹••❀••┈┈••┈┈••❀••🔹••❀••┈┈•
Qadir gecesini nasıl keçirmeli
Ey musulmanlar, ey Allahnıñ qulları! Kün doğğan soñ batuv kele. Başlanğan er bir şey mıtlaqa bitmek kerek. Bu Yüce Allahnıñ, de-nişmeycek, bu hayatnen ve başqa er bir şeynen bağlı olğan yazısıdır.
Yaqında, biz sabırsız olaraq mubarek ramazan aynıñ kelmesini beklegen edik, bugün ise onıñ yekünlenmesine yaqınlaştıq.
Bu kün ve gecelerde, bizlerge Yüce Allahqa ibadet etmesi qolay olması içün boysunmağan şeytanlar zıncırlarğa buğavlandı.
Bu kün ve gecelerde, öz amelleri ile Yüce Allahqa yönelmege istegen kimseler içün Cennet qapuları açıq edi.
Bu kün ve gecelerde, öz günahlarına afu tilep istiğfar yapqan ve Al-lahnıñ sözünden çıqmaqnı taşlağan kimselerge Cehennem qapuları qapaldı.
Bu ayda, er gece dellâl böyle sözler ile muracaat ete edi: «Ey hayır yap-mağa istegen kimse, areket et! Ey zulum yapmağa istegen kimse, toqta!»
Bu ayda, er gece Yüce Allah (Subhanahu va Ta’alâ) insanlarnı Cehennem ateşinden azat etti. Bu aynıñ gecelerinde biñler, biñler ve biñ-lerce afu etilgen, Cehennemden azat etilgenler oldı.
Mubarek, parlaq ay tezden bizlernen vedalaşacaq.
Tek bir Yüce Allah bilir, çoq kimseler içün yada bazıları içün bunen vedalaşmaq soñki sefer olacaq. Eger nefslerimizde ve kalplerimizde alev, ıntıluv ve aqıl bar ise, bu qalğan gecelerni Yüce Allahqa ibadette keçirmek fırsatını biz nasıl coya bilirmiz?!
Şimdi, böyle önemli vaqıtta bizim ıntıluvımız, avesligimiz ve azim-kârlığımız nasıl zaifleşe bilir ?! Nasıl boş arzular sebebinden, «Meni Allah bağışlar» ve «Men bir şey yapmacam», dep baht qazanmaq mümkün?! Boş arzular tek ahmaqlar içündir. Nasıl günah içinde, ğam-sızlıq içinde olıp, Yüce Allahnıñ bağışlavına ümüt etmek mümkün?! İnsan qorqu sebebinden ağlay, amma bu qorqunı ketirgen sebeplerni qaldırmay. Aramızda Cehennem ateşinden azat olmağa istemegenler, Cennet bağçalarını istemegenler barmı aceba?
Onıñ içün Yüce Allahtan qorquñız ve bu aynıñ qalğan qısqa bir parçasınen qullanıñız. Soñ raatlıq ve haz qazanmaq içün şimdi bir qaç gece ğayret ile areket etiñiz. Raatlıq ve haz sebebinden raatlıq ve haz qazanılmağanını bütün insanlar bir tilde tasdıqlaylar. Raat-lanmaq ve ondan soñ raatlıq qazanmaq? Böyle olmay.
Bu aziz musafir tezden bizlerni qaldıracaq, bu gemi tezden ketecek. Onıñ içün bu gecelernen qullanıp, o geminiñ kögertesine minmege aşıqıñız.
Qadır gecesini arañız. Belki o, qalğan bu gecelerniñ içindedir. Bu gece biñ aydan daa hayırlıdır. Peyğamberimiz ﷺ dedi:
«Kim de kim qadır gecesini (Allahnıñ mukâfatına) iman ve ümüt ile ibadette keçirse, onıñ bütün keçmiş olğan günahları afu etilecek».
Yüce Allah (Subhanahu va Ta’alâ) dey:
«… biñ aydan daa hayırlıdır»
(«al-Qadr», 97:3).
Fikir etip baqıñız! «Men bunı pek çoq kere eşittim», dep ayta bilir-siñiz, amma yürek eşitsin ve hatırlasın. Yüce Allah, seniñ Rabbiñ o gece aqqında dey: «… biñ aydan daa hayırlıdır».
Tasavur etiñiz! Bu gecede yapılğan ibadetler, insannıñ biñ ay deva-mında yapqan amellerinden daa hayırlıdır! Biñ ay – bu 30 biñ gece. Bir gece 30 biñ geceden daa hayırlıdır! Bir gece, 83 yıl Yüce Al-lahqa ibadet etmekten daa hayırlıdır!
Tasavur etiñiz: insan 83 yıl ömürini Yüce Allahqa ibadette keçire! Mına bu – Qadır gecesiniñ fiyatıdır.
Keliñiz, bu soñki gecelerde çaremiz olğan qadar ğayret körseteyik. Belki biz bu muvafaqiyetni qazanırıq, Qadır geceniñ ve onıñ amellerini alarıq.
«Qadir gecesiniñ ne olğanını sen bilesiñmi?»
(«al-Qadr», 97:2).
Elbette, bu eñ güzel geceler! Amma kalbinen ve ruhınen Yüce Allahqa namaz qılğanlar qana? Bu künlerde Allah yolunda ğayret körsetken ve masraf etkenler qana? Bir gece biñ aydan daa faydalı olğan ticaretni yapqanlar qana? Bu ticaretke yatırım yapqanlar qana? Bir işçi adamğa, seniñ ticaretiñ üç million faiz ketirecek desek, o bu ticaretke yapışmazmı aceba? Yüce Allah saña bu ticaretni teklif ete – bir gece 30 biñ gece kibidir.
Onıñ içün Peyğamberimiz ﷺ bu gecelerniñ qiymetini bilip, öz ai-lesini gece namazlarına uyata eken. Bu gecelerde Yüce Allahqa ibadet etip olacaq, dua ile muracaat etip olacaq ev sakinleriñizni uya-tıñız. Sahih hadislerde rivayet etile, Peyğamberimiz ﷺ Fatimege ve Alige (Allah olardan razı olsın) kelip, olarnıñ qapularını qaqa eken ve ayta eken:
«Yeriñizden turıp namaz qılmaysızmı».
Peyğamberimiz ﷺ öz apaylarınıñ odalarına kirip böyle ayta eken:
«Oda sakinlerini uyatıñız, belki bu dünyada urbalı olğan, Mahşer künü çuplaq olacaqtır».
Qadır gecesi, Ramazan aynıñ soñki on gecesinde olğanını bizlerge Peyğamberimiz ﷺ belgiledi:
«Qadır gecesini Ramazan aynıñ soñki on gecelerinde qı-dırıñız».
Belki bu gece Ramazan aynıñ tek gecelerindedir, Peyğamberimiz ﷺ dedi:
«Onı Ramazan aynıñ soñki on gecelerinde ve er bir tek gecede qıdırıñız».
O, bu on geceniñ içindedir. İhtimal, bu tek gecedir, amma bu geceler-niñ er biri ola bilir. Yüce Allah bizlerden bu bilgini saqladı. Ne içün? Alimler deyler, bunıñ büyük hikmeti bar: sen bu gecelerde ğayret körseteceñ, tek bir gecede degil. Çünki, eger insanlar bu geceni na-sıl gecede olğanını bilseler, olar tenbellik körsetecekler ve tek bu gecede ibadet etecekler, bu ise imtihandır. Bu büyük geceni, on gece içinde arañız.
Fırsatıñ olğanda, bu vaqıtnen şimdi qullan. Şimdi Yüce Allahqa tenbellikten yalvar. Elbyette, tenbellik ve quvetsizlik seni yeñe bilirler. Bazı insanlar boldurdıq deyler. Yoq, Yüce Allahqa quvetsizlikten ve tenbelligiñden qorçalav sora. Yüce Allahtan ibadetiñde yardım sora. Tek Oña tevekkül yap ve öz ibadetleriñni ziyadeleştir. Hayırğa ın-tılmaqnı ziyadeleştir, çareñ olğan qadar Yüce Allahqa yaqınlaş.
Ve daa ziyade – kenede hatırlayım – daa ziyade Yüce Allahqa Peyğamberi-mizniñ ﷺ Aişe anamızğa ögretken duasını qılmağa tırış.
«Allahım, şübesiz Sen Bağışlayıcısıñ, bağışlamağa se-versiñ, meni de bağışla».
/Allahumma innaka ‘afuun, tuhibbul-‘afua fa‘fu‘anni/».
Ey Allahnıñ qulları, bu dua ile Yüce Allahqa yalvarıñız!
«Qullarım senden meni sorağanda (olarğa söyle): «Men çoq yaqınım. Maña dua etken vaqıtta, dua etkenniñ tilegine qarşılıq beririm».
Ve biliñiz ki, ey Allahnıñ qulları, insan içün Allahnıñ eñ büyük niymetlerinden birisi – bu ne zaman insannıñ qalbinde Rabbisinen qonuşmadan, Oña dua yapmaqtan sefa ve haz peyda ola. Eger Yüce Allah seniñ qalbiñden Oña dua yapmaqtan ve Oña muracaat yapmaqtan peyda olğan haznı alsa, bu eñ büyük belâlardan ve Allahnıñ cezalarındandır. Peyğamberimiz ﷺ Allahtan huşu olmağan kalpten qorçalav soramay edimi? Cevabı olmaycaq duadan qorçalav istemey edimi?
Biliñiz ki, Yüce Allah (Subhanahu va Ta’alâ) insannıñ ihlâslı duasını red etmez, Oña ümüt etken insannı ümütsiz qaldırmaz. Ondan qurtulış itsegenge qurtuluş nasib eter. Amellerniñ soñu hayır olmasına, hayırlı netice qazanmağa, dua acayip şekilde tesir ete. Amellerimizde muvafaqiyet qazanmaq ve qazançımızda Yüce Allahtan bereket qazan-mağa, dua pek büyük tesir ete.
İç bir vaqıt Allah cevapnen uzata, dep tüşünmeñiz. Bunen qasevet-lenmeñiz, çünki bunıñ büyük hikmeti bar. Belki Yüce Allah seniñ daa çoq dua yapqanıñnı istey. Çünki dua ve seniñ bu duanı yapqan alıñ, bu duadan soñ alacaq neticeñden daa hayırlıdır. Yüce Allah (Subhanahu va Ta’alâ) sabır etkenlerni sever. Yüce Allah (Subhanahu va Ta’alâ) Onıñ yazısınen razı olğanlarnı sever.
Peyğamberimiz ﷺ dedi:
«Arañızda dua yapıp ve aşıqıp: «Mına men dua yaptım, amma cevabı kelmey» demegenlerniñ duasına cevap berilecek».
Eñ güzel dua ise – bu kalpten çıqqan, saqlı, Yüce Allahnıñ sevgen yer ve vaqıtında yapılğan duadır: cuma künü aqşam, iftar vaqıtında, secdede, çünki qul Rabbisine eñ yaqın olğan yer — bu secdedir. Onıñ içün Peyğamberimiz ﷺ dedi:
«Eñ çoq dua secdede yapıñız».
Şimdi ise, gece namazlarını qılğanımızda, secdeni uzaytamız, bunı ağır körmeñiz. Bu — belki Yüce Allahqa dua yapmaq içündir, dua yapmaq içün bu eñ güzel aldır.
Qaçırılğannı yerine ketirmege imkân olğanda, hayır amelleriñizni ziyadeleştiriñiz. Daa ziyade hayır ameller yapıñız, belki bahıtlı olur-sıñız. Hadiste rivayet etilgeni kibi, Peyğamberimiz ﷺ :
«O, Ramazannıñ soñki on gecesinde başqa vaqıttan daa ziya-de ğayret etken».
Aişe anamızdan (Allah ondan razı olsun) rivayet etile, o dedi:
«Ramazan aynıñ soñki on gecesi kelgeninen, Allahnıñ el-çisi ﷺ öz izarını qattıca bağlağan, öz gecesini tirilt-ken ve öz ailesini uyatqan».
Ramazan aynıñ soñki gecelerinde apaylarından uzaqlaşqanı, yasaq olğanı içün degil, öz Rabbisinen qonuşmaqnen, Rabbisine yaqın-laşmaqnen tavlanmaq içün. Bu gecelerde namaz oqumaq içün ve dua yapmaq içün öz ailesini uyatqan. Bu Yüce Allah ögünde öz ailesi içün haq cevapkârlıqtır.
Ey musulmanlar, ey Allahnıñ qulları! Biliñiz ki, bütün ameller so-ñunda degerlenir. Belki, insan çalıştı-çalıştı, amma soñunda ğam-sızlıq yaptı. Allah yücedir! Bu büyük bir belâ, çünki bütün ameller bitken soñ degerlene. Keliñiz Ramazan aynıñ soñunda ğayret körseteyik, belki evelden qaçırğanımız bağışlanır. Eger ise ğamsızlıqnı ve qaçırmaqnı devam etseñ, o zaman Yüce Allah em qalğan parçası içün, em keçken parçası içün soraycaqtır. Ramazanıñ eñ güzel şekilde bitmesi içün ğayret et, çünki Peyğamberimiz ﷺ dedi:
«Ameller bitken soñ esaplana (degerlene)».
Bu aynı Allahqa qaytmaqnen ve tövbenen bitirgen insan – bahıtlı in-sandır. Ey Allahnıñ qulları, epimizniñ günahlarımız bar. Bu mubarek gecelernen qullanıp bu fırsatnı qaçırmayıq. Çünki afu qazanmaq mümkün, Cehennem ateşinden azatlanmaq mümkün. Bu eñ büyük oñğañ-lıqtır!
Ondan ğayrı, ey Allahnıñ qulları, çoq insanlar unutqan bir meseleni açıqlayıq. Elbette, bu ayda bizden talap etilgen şeylerni ğayretnen yapmaq kerekmiz. Amma unutmañız ki, eñ önemlisi – bu Yüce Allahnıñ bizden qabul etmesidir. Demek, biz Yüce Allahtan orazamıznı, na-mazımıznı, dualarımıznı qabul etmesini soramaq kerekmiz. Ali (Allah ondan razı olsun) dedi:
«Ameliñizden daa ziyade onıñ qabul olmasına qasevetleniñiz. Siz Yüce Allahnıñ aytqanını eşitmedinizmi:
«Şübesiz Allah tek taqva saiplerinden qabul ete».
Demek ki, Ramazanıñnı güzel bitmesiniñ alâmeti, bu ayda yapqan amel-leriñni qabul olmasını sorağanıñdır. Bu sahabelerniñ adeti edi. sa-habeler ve olarnıñ devamcıları ibadetlerini güzel yapmağa tırışa ediler, soñ ise Yüce Allahqa bu ibadetlerni qabul etmesine dua ete edi-ler.
Devamcılar Ramazandan altı ay ögünde, bu ayğa yaşap yetmekni soray edi-ler, soñ ise altı ay devamında amellerini qabul olmasını soray ediler.
Ramazannıñ soñki gecesinde Ali (Allah ondan razı olsun) böyle ayta edi: «Kimden qabul olğanını bilse edim ve olarnı tebriklese edim, ve kimden qabul olmağanını bilse edim ve olarğa taziye aytsa edim».
İbadetleri qabul olğan kimseler, men sizlerni hayırlayım. İbadetleri qabul olmağan kimseler, menim taziyemni qabul etiñiz, Yüce Allah si-ziñ felâket alıñıznı doğurtsın.
Тазе тефсирлер