بسم الله الرحمن الرحيم
Latin urufatında oqumaq
Эй Аллахнынъ къуллары!
فَإِنَّ أَصْدَقَ الْحَدِيثِ كِتَابُ اللهِ، وَخَيْرَ الْهَدْيِ هَدْيُ مُحَمَّدٍ صَلَّى اللهُ عَلَيْهِ وَعَلَى آلِهِ وَسَلَّمَ، وَشَرَّ الْأُمُورِ مُحْدَثَاتُهَا، وَكُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلاَلَةٌ، وَكُلَّ ضَلاَلَةٍ فِي النَّارِ
«Акъикъатен, энъ догъру сёз – бу Аллахнынъ Китабы, энъ гузель ёл – бу Мухаммеднинъ ﷺ ёлу, амеллернинъ энъ ярамайы – бу (диний) янъылыкъ, ве эр бир (диний) янъылыкъ – бу бидаттыр, эр бир бидат – бу ёл шашырмакътыр, ве эр бир ёл шашырмакъ (джехеннем) Атешине алып кете».
Ахмед (3/310), Муслим (867), ад-Дарими (212), Абу Дауд (2954), ан-Насаи (3/188), «Сунан аль-Кубра»да (1786, 5892), Ибн Хузайма (1785) ве Ибн Маджах (45 ве 2416)
Эй мусульманлар! Бу мубарек айда пек чокъ хайырлар бар ве Юдже Аллахкъа якъынлашмакъ ёлларыда чешит тюрлюдир. Рух, бу айда темизлик ве нур юксеклигине котерильмекте, кальплер бу айда тирилелер, инсаннынъ фикири темиз ола, рухлар бахытлы ола, чюнки олар Юдже Аллахкъа таби олмагъа ынтылалар ве бу табиликте сефа ве хаз тапалар.
Эй Аллахнынъ къуллары! Бу айда ойле бир ибадет чешити бар ки, о акъкъында унуталар яда чокъусы бильмейлер. Амма, догъру ораза бу ибадетнинъ чешитине гузель шараитлер яратып, ярдымджы ола. Чюнки, бу, биз айтаджагъымыз ибадет чешити инсаннынъ мал-мулькни ред этмесинде, онынъ фикири оннен бу ибадет арасында олгъан шейлерден темиз олмасында мухтадждыр.
Земаневий хаят, эсасында маддий шейлерде къурула. Чешит тюрлю эгленджилернен, ве инсанны дикъкъатыны бёльген шейлернен, къасеветлернен ве сыкъынтыларнен толу олгъан земаневий хаят, инсанны сыкъа, оны зыкъ эте ве бойледже инсанны эсир япа. Инсан гъафлет денъизнинъ ортасында къала, ве онынъ далгъалары инсанны бир ерден бир ерге, бир гъафлеттен дигер гъафлетке ташлай. Инсан бу земаневий хаят девамында яда оны дикъкъатыны больген шейлернен: тюрлю сефалар, эгленджилернен мешгъуль ола яда оны унутмагъа зорлаткъан сыкъынтыларнен мешгъуль ола.
Амма бизим айтаджагъымыз ибадет чешити инсаннынъ токътамасына, озь фикирини, кальбини ве рухуны ишлетмесинде мухтадждыр. Ве асла шубе ёкъ ки, бу ай, — Рамазан айы – эгер инсан оны догъру кечирсе, демек бу ибадет ичюн энъ гузель вакъыт ве энъ гузель шараиттир. Бу насыл бир ибадеттир, эй Аллахнынъ къуллары? Бу фикир этмектир (тефеккюр). Эй оразалы кимселер, Къуран – Юдже Аллахнынъ Китабы – инсанны фикир этмеге давет эте, инджелемекке, фикир этмекке, тюшюнмекке давет эте, чюнки о, буюк нетиджелер, ве буюк файда кетире. Алимлер (Аллахнынъ рахметинде олсунлар) дейлер: «Аллахнынъ Китабында инсан фикир этмеси ве тюшюнмеси ичюн пек чокъ тешвикълер бар, шубе ёкъ ки, фикир этмек – бу ярыкъ ичюн анахтардыр, анъламакъ ичюн башлангъычтыр, чюнки фикир этмек, тюшюнмек – инсаннынъ ичине бильги ве анълав туткъан санки бир агъ кибидир». Чокъ инсанлар фикир этмекнинъ эмиетини ве юксек дереджесини билелер, амма пек аз инсанлар, онынъ асыл манасыны ве нетиджесини бильмектелер.
Не ичюн бизим шимди булунгъан ораза бу ибадетке – фикир этмекке – ярдымджы ола? Чюнки инсан пек аз ашай ве пек аз иче, дюньявий арзулардан ве истеклерден узакълаша, Аллахнынъ Китабыны окъумагъа тырыша, намазнен, Юдже Аллахкъа зикир этмекнен ве башкъа тюрлю ибадетлернен мешгъуль ола, ве олар онынъ кальбини пердалайлар, рухуны темизлейлер ве юфкъарталар, онынъ акъылыны аныкъ этелер, ве юрегини темизлейлер. Эгер инсан бойле темизлик турумында булунса, онынъ фикири азатлыкъ тапа ве онынъ акъылы тириле, ве энди исе о корьгенини манаджа бакъышнен коре; о корьгенини, эшиткенини, Аллахнынъ Китабындан яда Пейгъамберимизни ﷺ хадисинден окъугъанындан тюшюнип башлай, сон исе манаджаны ве огютни нетиджесини ала.
Эй ораза туткъан кимсе! Биринджиден, Юдже Аллахны таныгъан кимсе, Аллахтан къоркъа. Онынъ ичюн, Раббинъ ким олгъанындан фикир эт, Онынъ эн гузель Ад ве Сыфатларындан фикир эт. Бу Ад ве Сыфатлар яратылгъан махлюкъларда насыл этип белли ола. Аллахнынъ Агъыр-Сабырлыгъы Сыфатына бакъ, Онынъ къулларына къаршы Мерхамет ве Яхшылыгъынынъ устюнден фикир эт. Юдже Аллах (Субханаху ва Та’аля) Озь Китабында дей:
وَلَوْ يُؤَاخِذُ اللَّهُ النَّاسَ بِظُلْمِهِم مَّا تَرَكَ عَلَيْهَا مِن دَابَّةٍ وَلَكِن يُؤَخِّرُهُمْ إِلَى أَجَلٍ مُّسَمًّى فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ
«Эгер Аллаh инсанларны, зулумларынынъ себебинден, джезалайджакъ олса эди, ер юзюнде ич бир джанлы къалдырмаз эди. Факъат оларны бельгиленген бир муддетке къадар кечиктире. Эджеллери кельген вакъытта, олар не бир саат кери къала билир, не де огге кече билирлер».
(«ан-Нахль», 16:61).
Сон исе Юдже Аллахнынъ эр бир шейни къаплап алгъан Ильмини ве Онынъ эр бир шейнинъ саиби олгъаны устюнден фикир эт. О эр бир шейни тута, эр бир шейни мевджуд олмасына темин эткен О дыр, О эр бир шейни къаплап алмакъта.
وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُّبِينٍ
«Гъайбнынъ анахтарлары Аллаhнынъ янындадыр; оларны Ондан башкъасы бильмез. О, къарада ве денъизде не бар исе, билир; Онынъ ильми тышында бир япракъ биле тюшмез. О, ернинъ къаранлыкълары ичиндеки янгъыз бир данени дахи билир. Яш ве къуры не бар исе, эписи ап-ачыкъ бир китаптадыр».
(«аль-Анъам», 6:59).
Тек тюшюнип бакъ: океан къалынлыкъ тюбюнде олгъан балчыкънынъ къалынлыгъыны ичинде олгъан юфакъ богъдай. Тек тюшюнип бакъ: богъдай! Энъ астында балчыкънынъ къаранлыгъы, онынъ къаранлыгъыны устюнде – денъиз сувунынъ къаранлыгъы. Бу къаранлыкъ устюнде – гедженинъ къаранлыгъы, гедженинъ къаранлыгъынынъ устюнде – булутларнынъ ве ягъмурнынъ къаранлыгъы. Ве Юдже Аллах (Субханаху ва Та’аля) бу богъдай данеси акъкъында хабери бар. Акъикъатен, О эр бир шейден Хабердардыр. Раббинънинъ Кучю ве Къудрети акъкъында фикир эт.
فَكُلًّا أَخَذْنَا بِذَنبِهِ فَمِنْهُم مَّنْ أَرْسَلْنَا عَلَيْهِ حَاصِبًا وَمِنْهُم مَّنْ أَخَذَتْهُ الصَّيْحَةُ وَمِنْهُم مَّنْ خَسَفْنَا بِهِ الْأَرْضَ وَمِنْهُم مَّنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِن كَانُوا أَنفُسَهُمْ يَظْلِمُونَ
«Бунынъ киби, олардан эр бирини гунахы себебинен, джезаландырдыкъ. Кимининъ усьтюне ташлар савургъан рузгярлар ёлладыкъ, кимини къоркъунч бир сес якъалады, кимини ернинъ тюбюне батырдыкъ, кимини де сувда богъдыкъ. Аллаh оларгъа зулум этмей, аслы олар озьлерине зулум эте эдилер».
(«аль-Анкабут», 29:40).
Юдже Аллахнынъ Къудрети акъкъында фикир эт. Не заман сен Юдже Аллахнынъ Къудретини анъсанъ, бу сенинъ къальбинъде Яратыджынъ огюнде тазимни ве къоркъуны тербие этер, ве тек Онъа кереги киби ибадет этмекни зорлатыр.
وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ
«Олар Аллаhны хакъкъы иле танып билалмадылар. Къыямет куню бутюн ер юзю Онынъ тасарруфындадыр. Коклер Онынъ къудрет элинен тюрюльген оладжакъ. О, мушриклернинъ ортакъ къошувларындан юдже ве узакътыр».
(«аз-Зумар», 39:67).
Бишр ибн Харис (Аллахнынъ рахметинде олсун) бойле сёзлер айтты: «Эгер инсанлар Юдже Аллахнынъ Азаматы акъкъында фикир этсе эдилер, олар Юдже Аллахнынъ сёзюнден чыкъмаз эдилер».
Девамында, эй Аллахнынъ къуллары: Юдже Аллахнынъ шариаты акъкъында фикир этинъиз, О бизлерге Озь къанунларындан ве тайинатларындан не эндирди. Не къадар гузель ве не къадар мукеммель къанунлардыр! Юдже Аллах бизге Озь динини не къадар къолайлаштырды, бу динде бизлер ичюн мушкюлликлер япмады! Насыл Юдже Аллах (Субханаху ва Та’аля) Озь шариатында бизим ихтияджларымыз ве меселелеримиз акъкъында къайгъырады. Инсанны эр заман ве эр ерде бахытлы япкъан Шариат. Бизни раатсызландыргъан эр бир шей акъкъында къайгъырады. Тюшюнип бакъынъыз, оннен саваш япкъанларына бакъмадан, онынъ иляхий тайинатларына къаршы фитне япкъанларына бакъмадан, бу шариат бойле буюк ве къавий оларакъ къалмакъта.
وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ
«дин хусусында усьтюнъизге ич бир зорлыкъ юклемеди».
(«аль-Хадж», 22:78).
Ве Юдже Аллах (Субханаху ва Та’аля) дей:
وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ
«Сени де эписинынъ узерине шаат оларакъ кетиреджекмиз. Айрыджа, бу Китапны да санъа эр шей ичюн бир анълатма, бир хидает ве рахмет менбасы ве мусульманлар ичюн бир мужде оларакъ эндирдик».
(«ан-Нахль», 16:89).
Девамында фикир эт, эй Аллахнынъ къулу, эй ораза туткъан, бу шимди ибадетлернинъ энъ онемлисидир, чюнки сенинъ туткъан оразанъ, чокъусылары тюшюнгени киби, — бу тек ичмемек ве ашамамакъ дегиль, олар гедже ве куньлерини еринен деништирдилер: куньдюз олар юкълайлар, гедже исе эвельде куньдюз япкъанларыны япалар, ашайлар, зевкъленелер, ичелер, кулелер ве бу вакъытларыны субетлерде кечирелер. Эй Аллахнынъ къулу, ораза бу шей ичюн дегиль! Яратылгъан эр шейде фикир эт, насыл Юдже Аллах (Субханаху ва Та’аля) эр бир шейни яратты ве ерли ерине къойды ве беджерди.
صُنْعَ اللَّهِ الَّذِي أَتْقَنَ كُلَّ شَيْءٍ إِنَّهُ خَبِيرٌ بِمَا تَفْعَلُونَ
«(Бу,) эр шейни сап-сагълам япкъан Аллаhнынъ санатыдыр. Шубесиз ки, О, япкъанларынъыздан тамамынен хабердардыр».
(«эн-Немль», 27:98).
Бу Ерге бакъ, насыл Юдже Аллах (Субханаху ва Та’аля) оны джайдырды ве насыл оны Юдже Аллах тегизлеги. Бу коклерге бакъ, насыл Юдже Аллах (Субханаху ва Та’аля) оларны юксельтти ве къурды. Бу дагъларгъа бакъ, насыл оларны Раббимиз къавий япты. Бу озенлерге бакъ, насыл Юдже Аллах (Субханаху ва Та’аля) о сувны ер къалынлыгъындан чыкъарды ве оны акъмагъа зорлатты. Юдже Раббимизнинъ тёкип чыкъкъан денъиз ве океанларына бакъ. Бу океанларда ялдагъан гемилерге бакъ, ве Юдже Аллах (Субханаху ва Та’аля) оларны къорчалай ве лиманларына ялдап етмеге изин бере. Бу джансыз топракъларгъа бакъ, насыл Юдже Аллах (Субханаху ва Та’аля) оларны джанландыра, тюрлю осюмликлер чыкъара, насыл чешит тюрлю махсуллар чыкъара: сыфатындан, лезетинден ве ренкинден тюрлю олгъан махсуллар.
إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ
«Коклернинъ ве ернинъ яратылувында, гедженен куньдюзнинъ бири-бири артындан келип-кетювинде, акъылы еринде олгъанлар ичюн, акъикъатен ачыкъ ибретлер бар».
(«аль-Имран», 3:190).
Ибн Умейр ривает эте, о Аише анамызгъа (Аллах ондан разы олсун) бойле деди: «Сен Пейгъамберимизден ﷺ энъ аджайип корьген шейинъ акъкъында манъа хабер эт». Аише анамыз башында индемеди, сонъ исе деди: «Геджелернинъ бирисинде манъа Аллахнынъ Эльчиси ﷺ деди: «Аише, манъа бу геджени Раббиме ибадетте кечирмеге изин бер», ве мен дедим: «Аллахнен емин этем, мен сенинъ янынъда олмакъны бегенем, ве сени не къувандырса мен оны бегенем». Ве о турды, абдестини алды, сон исе намаз къылып башлады, сон исе агълады, ойле агъладыки онынъ урбасыны асты сыланды. Сонъ агъламакъны девам этти ве онынъ сакъалы сыланды. Сон агъламакъны девам эткенинден ер сыланды. Биляль (Аллах ондан разы олсун), сабах намазына эзан окъумагъа кельди, ве Пейгъамберимизни ﷺ агълагъаныны корюп, деди: «Эй Аллахнынъ Эльчиси, не ичюн сен агълайсынъ, Юдже Аллах (Субханаху ва Та’аля) сенинъ бутюн кечмиш ве келеджек гюнахларынъны багъышладыда?»
أفلا أكونُ عبدًا شكورًا لقد نزَلَتْ علَيَّ اللَّيلةَ آيةٌ، ويلٌ لِمَن قرَأها ولم يتفكَّرْ فيها إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ
Мен насыл этип нашукюр къул оладжам? Бугунь гедже манъа ает эндирильди. Бу аетни окъуп, о акъкъында фикир этмегенлернинъ алы вай олсун! «Коклернинъ ве ернинъ яратылувында, гедженен куньдюзнинъ бири-бири артындан келип-кетювинде, акъылы еринде олгъанлар ичюн, акъикъатен ачыкъ ибретлер бар».
Ибн Хиббан (620), шейх аль-Албани онъа сахих деди.
Сен Къуранда окъумайсынъмы аджеба:
أَفَلَا يَنظُرُونَ إِلَى الْإِبِلِ كَيْفَ خُلِقَتْ وَإِلَى السَّمَاءِ كَيْفَ رُفِعَتْ * وَإِلَى الْجِبَالِ كَيْفَ نُصِبَتْ وَإِلَى الْأَرْضِ كَيْفَ سُطِحَتْ
«(Инсанлар) девенинъ насыл яратылгъанына, кокнинъ насыл юксельтильгенине, дагъларнынъ насыл тикленгенине, ер юзюнинъ насыл яйылгъанына бир бакъмазлармы?».
(«аль-Гъашийя», 88:17-20)
Балкъурткъа бакъынъыз, насыл оны Юдже Аллах (Субханаху ва Та’аля) ёнете. Къырмыскъагъа бакъынъыз, насыл Аллах оны огрете. Къушларгъа бакъынъыз, насыл Аллах оларны къорчалай ве оларгъа рызкъ бере.
وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ
«Раббинъ балкъурткъа: Дагълардан, тереклерден ве инсанларнынъ япкъан асмаларындан озюнъе эвлер (къобалар) эдин. Сонъра мейваларнынъ эр биринден аша ве Раббининъ санъа къолайлаштыргъан яйылув ёлларына кир, дие ильхам этти».
(«ан-Нахль», 16:68).
Кенеде Юдже Аллах (Субханаху ва Та’аля) дей:
أَلَمْ يَرَوْا إِلَى الطَّيْرِ مُسَخَّرَاتٍ فِي جَوِّ السَّمَاءِ مَا يُمْسِكُهُنَّ إِلَّا اللَّهُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ
«Кокнинъ бошлугъында эмирге боюн эгдирильген оларакъ учушкъан къушларны корьмедилерми? Оларны о ерде Аллаhтан башкъасы туталмаз. Шубесиз, бунда инангъан бир топлум ичюн ибретлер бардыр».
(«ан-Нахль», 16:79).
Бу шейлерде иман эткен кимселер ичюн аляметлер бар! Эгер санъа бу шейлерде аляметлер олмаса, тюшюнип бакъ!
Эй ораза туткъан кимсе, сенинъ ичюн Аллахнынъ насип эткен нийметлеринден, Онынъ сонсуз бахшышларындан фикир эт. Сенинъ озюнъде, Ондан не къадар нийметлер ве эдиелер бар! Ве Онынъ насип эткен эн буюк эдиеси – бу сени сечип, санъа Ислямны насип эткени, санъа Таухидны бергени, санъа Суннетни бергени, насыл О санъа насип этти, насыл О бизге кяинатта бутюн олгъан шейлерни бойсундырды.
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ الَّذِي خَلَقَكَ فَسَوَّاكَ فَعَدَلَكَ * فِي أَيِّ صُورَةٍ مَّا شَاءَ رَكَّبَكَ
«Эй, инсан! Сени яратып, сени тертипли ве ольчюли япкъан, сени истеген бир шеклинде бирлештирген, ихсаны бол Раббинъе нисбетен сени алдаткъан недир?»
(«аль-Инфитар», 82:6-8).
Эй Аллахнынъ къуллары! Эгер биз текаран вакъыткъа токътасакъ ве тюшюнсек эди… Биз бу дунья акъкъында тюшюнмек керекмиз. Шимди, бу Рамазанда, бу дунья акъкъында тюшюнмеге энъ гузель вакъыттыр. Бу хаят не къадар сефильдир, Ахиретнен къияслангъанда, бу хаят не къадар алчакътыр. Не къадар бу хаят тез кечкендир! Мында бутюн сефалар къыскъа ве къасеветке, эфкяргъа ве сыкъынтыгъа чевирильмектедир. Бу хаяткъа кирген эр бир кимсе, ондан чыкъаркен янына бир шей алып оламай. Ойле исе, саргъошлангъанларнынъ вакъыты кельмедими аджеба – чюнки чокъумыз, оны анънамадан саргъош оламыз. Бу хаятнынъ джошкъунлыгъынен, арзуларынен, эгленджилеринен, зенгинлик артындан чапмакънен саргъошлангъанларгъа, хакъны анънамакъ ичюн, акъикъатен уянмагъа вакъыт кельмедими аджеба? Юдже Аллах (Субханаху ва Та’аля) Къуранда бизге хабер эте, бу хаят коктен ягъгъан ягъмур киби, бу ягъмурнен бутюн ер осюмликлери къарыша (яни осюмликлер осе), бу осюмликлерни инсанлар ве айванлар ашайлар, бу ягъмур себебинден ер юзю зийнетини такъынып сюсленди ки, инсанлар – бу ерлернинъ саиплери, онынъ узеринде къудрет саиби олгъанларыны зан эткен бир сырада (олар шимди махсулларны топлайджамыз, деп тюшюндилер), амма Аллахнынъ эмири келе (Аллахтан афат келе), ве Аллах бу экинлерни (бу ер гузелликлерини) тамырындан къопарыларакъ чалынгъан бир алгъа кетирди, كَأَن لَّمْ تَغْنَ بِالْأَمْسِ — оны санки дюнь еринде ёкъ киби. كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ — Иште, яхшы тюшюнеджек къавмлар ичюн аетлеримизни бойле беян этмектемиз.
(«Юнус», 10:24).
Ибн Аббас (Аллах ондан разы олсун) ривает эте, Умер ибн аль-Хаттаб (Аллах ондан разы олсун) бир кере Пейгъамберимизге ﷺ кирди, о хасыр устюнде ята эди ве янбашларында бу хасырнынъ излери къалгъан эди. О Пейгъамберимизге ﷺ аджув ве севги иле деди: «Эй Аллахнынъ эльчиси, сен бунынъ ерине озюнъе йымшакъча тёшек алса эдинъ». Пейгъамберимиз ﷺ онъа бойле джевап берди:
يا عُمرُ ما لي وللدُّنيا وما للدُّنيا ولي والَّذي نفسي بيدِه ما مَثَلي ومَثَلُ الدُّنيا إلَّا كراكبٍ سار في يومٍ صائفٍ فاستظَلَّ تحتَ شجرةٍ ساعةً مِن نهارٍ ثمَّ راح وترَكها
«Эй Умер, манъа бу дунья не ве бу дуньягъа манъа къаршы не? Акъикъатен (меним рухум Онынъ Къолунда олгъанынен емин этем), мени ве бу хаятны ёлджунен къыясламакъ мумкюн, бу ёлджы сыджакъ куньде кетеркен, бир терек саясында текаран вакъыткъа раатланмагъа токътады, сон исе бу терекни къалдырып озь ёлуны девам этти».
Ибн Хиббан озь «Сахихинде» ривает этти (6352).
Бизде айни ойлемиз. Биз садедже ёлджумыз, бу хаят исе – биз текаран вакъыткъа токътагъанымыз бир терек, эй Аллахнынъ къуллары.
Бунынъ къаршысында – эбедийлик, Эбедий хаят (ахирет). Онынъ эбедийлигине фикир эт, онынъ дюльберлиги, хайыры ве сефалары битеджек дегиль, анда гъам, къаарь къасевет ёкъ. Юдже Аллах (Субханаху ва Та’аля) Дженнетке кирген кимселер акъкъында бизге хабер эте… Олар не айталар?
وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ
«Бизден къасеветни кеткизген Аллаhкъа хамд олсун. Догърусы, Раббимиз чокъ багъышлайыджы, чокъ нимет бериджидир».
(«Фатыр», 35:34).
Анда сонсуз хайырлар, хаят анда истикърарлы. Эр бир рух, эр вакъыт истикърарлы, бахытлы хаят истей.
فِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ
«О ерде джанлары истеген, козьлери ошлангъан эр шей бардыр. Сиз о ерде эбедий къаладжкъсынъыз».
(«аз-Зухруф», 43:71).
وَإِنَّ الدَّارَ الْآخِرَةَ لَهِيَ الْحَيَوَانُ لَوْ كَانُوا يَعْلَمُونَ
«Бу дюнья аяты, садедже бир эгленджеден, бир оюндан ибарет. Кешке бильселер эди!».
(«аль-Анкабут», 29:64).
Не заман сен бу дунья акъкъында тюшюндинъ ве ахирет акъкъында тюшюндинъ, энди исе эй Аллахнынъ къулу фикир эт: сен исе не азырладынъ? Раббинъни узерине кетиреджегинъ насыл мал азырладынъ?
وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الْأَلْبَابِ
«Ахирет ичюн азыкъ топланъ. Билинъ ки, азыкънынъ энъ хайырлысы такъвадыр».
(«аль-Бакъара», 2:197).
يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ
«Эй, иман эткенлер! Аллаhтан къоркъунъ ве эр кес ярынгъа не азырлагъанына бакъсын».
(«аль-Хашр», 59:18).
О куню санъа не мал-мульк, не къоранта, не бала-чагъа ярдым этип оламаз, тек Юдже Аллахкъа (Субханаху ва Та’алягъа) темиз къальп иле кельгенлер.
Бу ибадет – фикир этмек (тефеккюр), эй Аллахнынъ къуллары, инсанны Дженнетке къаршы къыбырдамагъа зорлата, чюнки не вакъыт инсан фикир этип башлай, не вакъыт онъа бильги келе, о къутртулыш ёлларыны арамагъа башлай ве хайыр амеллер япып башлай.
Хасан аль-Басри (Аллахнынъ рахметинде олсун) халифке, Умер ибн Абдуль-Азизге мектюп язды. «Бильки, фикир этмек (тефеккюр) хайыргъа ве хайыр япмагъа алып кете, япылгъан зулюмге пешман этмек инсанны зулюм япмакътан токътата». Сон исе о бойле гузель сёзлер айтты:
وليس ما يفنى وإن كان كثيرًا يعدل ما يبقى
«Шубесиз, фаний шей о чокъ олса биле, эбедийнен, — онынъ къазанылмасы зор олса биле, бир олмаз». Девамында о бойле деди:
«Эбедий зевкънынъ ерини аладжакъ тез кечеджек зорлукъкъа даянмакъ, зорлукъларны ерини аладжагъы тез кечеджек зевкълерни алмакътан даан хайырлыдыр».
Комюльмектен эввель фикир эткенлерге Юдже Аллах рахмет эйлесин. Фикир эткен, ве бу оны хайырлы давранмагъа зорлаткъан, озь хаталарыны ве гюнахларыны олюм кельгене къадар деништирмеге зорлаткъан кимсени.
Бу хаят акъкъында фикир эткен, амма онъа къаршы эгильмеген ве ахирет акъкъында фикир эткен ве онъа къаршы озь къальбини ёнельткен кимсеге Юдже Аллах рахмет эйлесин. Эбет, о, бу маддий хаятта эджнебий, чюнки онынъ къуванчы мында дегиль, чюнки онынъ къуванчы барыш мескенинде (дару с-салям), къуртулыш мескенинде Селямнынъ Раббисинде – кяинатнынъ Раббиси, Аллахтадыр.
•┈┈••❀••🔹••❀••┈┈••┈┈••❀••🔹••❀••┈┈••┈┈••❀••🔹••❀••┈┈••┈┈••❀••🔹••❀••┈┈•
بسم الله الرحمن الرحيم
Ey Allahnıñ qulları!
فَإِنَّ أَصْدَقَ الْحَدِيثِ كِتَابُ اللهِ، وَخَيْرَ الْهَدْيِ هَدْيُ مُحَمَّدٍ صَلَّى اللهُ عَلَيْهِ وَعَلَى آلِهِ وَسَلَّمَ، وَشَرَّ الْأُمُورِ مُحْدَثَاتُهَا، وَكُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلاَلَةٌ، وَكُلَّ ضَلاَلَةٍ فِي النَّارِ
«Aqiqaten, eñ doğru söz – bu Allahnıñ Kitabı, eñ güzel yol – bu Muhammedniñ ﷺ yolu, amellerniñ eñ yaramayı – bu (diniy) yañılıq, ve er bir (diniy) yañılıq – bu bidattır, er bir bidat – bu yol şaşırmaqtır, ve er bir yol şaşırmaq (cehennem) Ateşine alıp kete».
Ahmed (3/310), Müslim (867), ad-Darimi (212), Abu Daud (2954), an-Nasai (3/188), «Sunan al-Kubra»da (1786, 5892), İbn Huzayma (1785) ve İbn Macah (45 ve 2416)
Ey musulmanlar! Bu mubarek ayda pek çoq hayırlar bar ve Yüce Allahqa yaqınlaşmaq yollarıda çeşit türlüdir. Ruh, bu ayda temizlik ve nur yüksekligine köterilmekte, kalpler bu ayda tirileler, insannıñ fikiri temiz ola, ruhlar bahıtlı ola, çünki olar Yüce Allahqa tabi olmağa ıntılalar ve bu tabilikte sefa ve haz tapalar.
Ey Allahnıñ qulları! Bu ayda öyle bir ibadet çeşiti bar, o aqqında unutalar yada çoqusı bilmeyler. Amma, doğru oraza bu ibadetniñ çeşitine güzel şaraitler yaratıp, yardımcı ola. Çünki, bu, biz aytacağımız ibadet çeşiti insannıñ mal-mülkni red etmesinde, onıñ fikiri onnen bu ibadet arasında olğan şeylerden temiz olmasında muhtacdır.
Zemaneviy hayat, esasında maddiy şeylerde qurula. Çeşit türlü eglencilernen, ve insannı diqqatını bölgen şeylernen, qasevetlernen ve sıqıntılarnen tolu olğan zemaneviy hayat, insannı sıqa, onı zıq ete ve böylece insannı esir yapa. İnsan ğaflet deñizniñ ortasında qala, ve onıñ dalğaları insannı bir yerden bir yerge, bir ğafletten diger ğafletke taşlay. İnsan bu zemaneviy hayat devamında yada onı diqqatını bölgen şeylernen: türlü sefalar, eglencilernen meşğul ola yada onı unutmağa zorlatqan sıqıntılarnen meşğul ola.
Amma bizim aytacağımız ibadet çeşiti insannıñ toqtamasına, öz fikirini, kalbini ve ruhunı işletmesinde muhtacdır. Ve asla şübe yoq ki, bu ay, — Ramazan ayı – eger insan onı doğru keçirse, demek bu ibadet içün eñ güzel vaqıt ve eñ güzel şaraittir. Bu nasıl bir ibadettir, ey Allahnıñ qulları? Bu fikir etmektir (tefekkür). Ey orazalı kimseler, Quran – Yüce Allahnıñ Kitabı – insannı fikir etmege davet ete, incelemekke, fikir etmekke, tüşünmekke davet ete, çünki o, büyük neticeler, ve büyük fayda ketire. Alimler (Allahnıñ rahmetinde olsunlar) deyler: «Allahnıñ Kitabında insan fikir etmesi ve tüşünmesi içün pek çoq teşviqler bar, şübe yoq ki, fikir etmek – bu yarıq içün anahtardır, añlamaq içün başlanğıçtır, çünki fikir etmek, tüşünmek – insannıñ içine bilgi ve añlav tutqan sanki bir ağ kibidir». Çoq insanlar fikir etmekniñ emiyetini ve yüksek derecesini bileler, amma pek az insanlar, onıñ asıl manasını ve neticesini bilmekteler.
Ne içün bizim şimdi bulunğan oraza bu ibadetke – fikir etmekke – yardımcı ola? Çünki insan pek az aşay ve pek az içe, dünyaviy arzulardan ve isteklerden uzaqlaşa, Allahnıñ Kitabını oqumağa tırışa, namaznen, Yüce Allahqa zikir etmeknen ve başqa türlü ibadetlernen meşğul ola, ve olar onıñ kalbini perdalaylar, ruhunı temizleyler ve yufqartalar, onıñ aqılını anıq eteler, ve yüregini temizleyler. Eger insan böyle temizlik turumında bulunsa, onıñ fikiri azatlıq tapa ve onıñ aqılı tirile, ve endi ise o körgenini manaca baqışnen köre; o körgenini, eşitkenini, Allahnıñ Kitabından yada Peyğamberimizni ﷺ hadisinden oquğanından tüşünip başlay, son ise manacanı ve ögütni neticesini ala.
Ey oraza tutqan kimse! Birinciden, Yüce Allahnı tanığan kimse, Allahtan qorqa. Onıñ içün, Rabbiñ kim olğanından fikir et, Onıñ en güzel Ad ve Sıfatlarından fikir et. Bu Ad ve Sıfatlar yaratılğan mahlüqlarda nasıl etip belli ola. Allahnıñ Ağır-Sabırlığı Sıfatına baq, Onıñ qullarına qarşı Merhamet ve Yahşılığınıñ üstünden fikir et. Yüce Allah (Subhanahu va Ta’alâ) Öz Kitabında dey:
وَلَوْ يُؤَاخِذُ اللَّهُ النَّاسَ بِظُلْمِهِم مَّا تَرَكَ عَلَيْهَا مِن دَابَّةٍ وَلَكِن يُؤَخِّرُهُمْ إِلَى أَجَلٍ مُّسَمًّى فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ
«Eger Allah insanlarnı, zulumlarınıñ sebebinden, cezalaycaq olsa edi, yer yüzünde iç bir canlı qaldırmaz edi. Faqat olarnı belgilengen bir müddetke qadar keçiktire. Ecelleri kelgen vaqıtta, olar ne bir saat keri qala bilir, ne de ögge keçe bilirler».
(«an-Nahl», 16:61).
Son ise Yüce Allahnıñ er bir şeyni qaplap alğan İlmini ve Onıñ er bir şeyniñ saibi olğanı üstünden fikir et. O er bir şeyni tuta, er bir şeyni mevcud olmasına temin etken O dır, O er bir şeyni qaplap almaqta.
وَعِندَهُ مَفَاتِحُ الْغَيْبِ لَا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُّبِينٍ
«Ğaybnıñ anahtarları Allahnıñ yanındadır; olarnı Ondan başqası bilmez. O, qarada ve deñizde ne bar ise, bilir; Onıñ ilmi tışında bir yapraq bile tüşmez. O, yerniñ qaranlıqları içindeki yanğız bir daneni dahi bilir. Yaş ve qurı ne bar ise, episi ap-açıq bir kitaptadır».
(«al-Añam», 6:59).
Tek tüşünip baq: okean qalınlıq tübünde olğan balçıqnıñ qalınlığını içinde olğan yufaq boğday. Tek tüşünip baq: boğday! Eñ astında balçıqnıñ qaranlığı, onıñ qaranlığını üstünde – deñiz suvunıñ qaranlığı. Bu qaranlıq üstünde – geceniñ qaranlığı, geceniñ qaranlığınıñ üstünde – bulutlarnıñ ve yağmurnıñ qaranlığı. Ve Yüce Allah (Subhanahu va Ta’alâ) bu boğday danesi aqqında haberi bar. Aqiqaten, O er bir şeyden Haberdardır. Rabbiñniñ Küçü ve Qudreti aqqında fikir et.
فَكُلًّا أَخَذْنَا بِذَنبِهِ فَمِنْهُم مَّنْ أَرْسَلْنَا عَلَيْهِ حَاصِبًا وَمِنْهُم مَّنْ أَخَذَتْهُ الصَّيْحَةُ وَمِنْهُم مَّنْ خَسَفْنَا بِهِ الْأَرْضَ وَمِنْهُم مَّنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِن كَانُوا أَنفُسَهُمْ يَظْلِمُونَ
«Bunıñ kibi, olardan er birini günahı sebebinen, cezalandırdıq. Kiminiñ üstüne taşlar savurğan ruzgârlar yolladıq, kimini qorqunç bir ses yaqaladı, kimini yerniñ tübüne batırdıq, kimini de suvda boğdıq. Allah olarğa zulum etmey, aslı olar özlerine zulum ete ediler».
(«al-Ankabut», 29:40).
Yüce Allahnıñ Qudreti aqqında fikir et. Ne zaman sen Yüce Allahnıñ Qudretini añsañ, bu seniñ qalbiñde Yaratıcıñ ögünde tazimni ve qorqunı terbiye eter, ve tek Oña keregi kibi ibadet etmekni zorlatır.
وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ
«Olar Allahnı haqqı ile tanıp bilalmadılar. Qıyamet künü bütün yer yüzü Onıñ tasarrufındadır. Kökler Onıñ qudret elinen türülgen olacaq. O, müşriklerniñ ortaq qoşuvlarından yüce ve uzaqtır».
(«az-Zumar», 39:67).
Bişr ibn Haris (Allahnıñ rahmetinde olsun) böyle sözler ayttı: «Eger insanlar Yüce Allahnıñ Azamatı aqqında fikir etse ediler, olar Yüce Allahnıñ sözünden çıqmaz ediler».
Devamında, ey Allahnıñ qulları: Yüce Allahnıñ şariatı aqqında fikir etiñiz, O bizlerge Öz qanunlarından ve tayinatlarından ne endirdi. Ne qadar güzel ve ne qadar mükemmel qanunlardır! Yüce Allah bizge Öz dinini ne qadar qolaylaştırdı, bu dinde bizler içün müşküllikler yapmadı! Nasıl Yüce Allah (Subhanahu va Ta’alâ) Öz şariatında bizim ihtiyaclarımız ve meselelerimiz aqqında qayğıradı. İnsannı er zaman ve er yerde bahıtlı yapqan Şariat. Bizni raatsızlandırğan er bir şey aqqında qayğıradı. Tüşünip baqıñız, onnen savaş yapqanlarına baqmadan, onıñ ilâhiy tayinatlarına qarşı fitne yapqanlarına baqmadan, bu şariat böyle büyük ve qaviy olaraq qalmaqta.
وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ
«din hususında üstüñizge iç bir zorlıq yüklemedi».
(«al-Hac», 22:78).
Ve Yüce Allah (Subhanahu va Ta’alâ) dey:
وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ
«Seni de episinıñ üzerine şaat olaraq ketirecekmiz. Ayrıca, bu Kitapnı da saña er şey içün bir añlatma, bir hidayet ve rahmet menbası ve musulmanlar içün bir müjde olaraq endirdik».
(«an-Nahl», 16:89).
Devamında fikir et, ey Allahnıñ qulu, ey oraza tutqan, bu şimdi ibadetlerniñ eñ önemlisidir, çünki seniñ tutqan orazañ, çoqusıları tüşüngeni kibi, — bu tek içmemek ve aşamamaq degil, olar gece ve künlerini yerinen deniştirdiler: kündüz olar yuqlaylar, gece ise evelde kündüz yapqanlarını yapalar, aşaylar, zevqleneler, içeler, küleler ve bu vaqıtlarını subetlerde keçireler. Ey Allahnıñ qulu, oraza bu şey içün degil! Yaratılğan er şeyde fikir et, nasıl Yüce Allah (Subhanahu va Ta’alâ) er bir şeyni yarattı ve yerli yerine qoydı ve becerdi.
صُنْعَ اللَّهِ الَّذِي أَتْقَنَ كُلَّ شَيْءٍ إِنَّهُ خَبِيرٌ بِمَا تَفْعَلُونَ
«(Bu,) er şeyni sap-sağlam yapqan Allahnıñ sanatıdır. Şübesiz ki, O, yapqanlarıñızdan tamamınen haberdardır».
(«en-Neml», 27:98).
Bu Yerge baq, nasıl Yüce Allah (Subhanahu va Ta’alâ) onı caydırdı ve nasıl onı Yüce Allah tegizlegi. Bu köklerge baq, nasıl Yüce Allah (Subhanahu va Ta’alâ) olarnı yükseltti ve qurdı. Bu dağlarğa baq, nasıl olarnı Rabbimiz qaviy yaptı. Bu özenlerge baq, nasıl Yüce Allah (Subhanahu va Ta’alâ) o suvnı yer qalınlığından çıqardı ve onı aqmağa zorlattı. Yüce Rabbimizniñ tökip çıqqan deñiz ve okeanlarına baq. Bu okeanlarda yaldağan gemilerge baq, ve Yüce Allah (Subhanahu va Ta’alâ) olarnı qorçalay ve limanlarına yaldap yetmege izin bere. Bu cansız topraqlarğa baq, nasıl Yüce Allah (Subhanahu va Ta’alâ) olarnı canlandıra, türlü ösümlikler çıqara, nasıl çeşit türlü mahsullar çıqara: sıfatından, lezetinden ve renkinden türlü olğan mahsullar.
إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ
«Köklerniñ ve yerniñ yaratıluvında, gecenen kündüzniñ biri-biri artından kelip-ketüvinde, aqılı yerinde olğanlar içün, aqiqaten açıq ibretler bar».
(«al-İmran», 3:190).
İbn Ümeyr rivayet ete, o Aişe anamızğa (Allah ondan razı olsun) böyle dedi: «Sen Peyğamberimizden ﷺ eñ acayip körgen şeyiñ aqqında maña haber et». Aişe anamız başında indemedi, soñ ise dedi: «Gecelerniñ birisinde maña Allahnıñ Elçisi ﷺ dedi: «Aişe, maña bu geceni Rabbime ibadette keçirmege izin ber», ve men dedim: «Allahnen yemin etem, men seniñ yanıñda olmaqnı begenem, ve seni ne quvandırsa men onı begenem». Ve o turdı, abdestini aldı, son ise namaz qılıp başladı, son ise ağladı, öyle ağladıki onıñ urbasını astı sılandı. Soñ ağlamaqnı devam etti ve onıñ saqalı sılandı. Son ağlamaqnı devam etkeninden yer sılandı. Bilâl (Allah ondan razı olsun), sabah namazına ezan oqumağa keldi, ve Peyğamberimizni ﷺ ağlağanını körüp, dedi: «Ey Allahnıñ Elçisi, ne içün sen ağlaysıñ, Yüce Allah (Subhanahu va Ta’alâ) seniñ bütün keçmiş ve kelecek günahlarıñnı bağışladıda?»
أفلا أكونُ عبدًا شكورًا لقد نزَلَتْ علَيَّ اللَّيلةَ آيةٌ، ويلٌ لِمَن قرَأها ولم يتفكَّرْ فيها إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ
Men nasıl etip naşukür qul olacam? Bugün gece maña ayet endirildi. Bu ayetni oqup, o aqqında fikir etmegenlerniñ alı vay olsun! «Köklerniñ ve yerniñ yaratıluvında, gecenen kündüzniñ biri-biri artından kelip-ketüvinde, aqılı yerinde olğanlar içün, aqiqaten açıq ibretler bar».
İbn Hibban (620), şeyh al-Albani oña sahih dedi.
Sen Quranda oqumaysıñmı aceba:
أَفَلَا يَنظُرُونَ إِلَى الْإِبِلِ كَيْفَ خُلِقَتْ وَإِلَى السَّمَاءِ كَيْفَ رُفِعَتْ * وَإِلَى الْجِبَالِ كَيْفَ نُصِبَتْ وَإِلَى الْأَرْضِ كَيْفَ سُطِحَتْ
«(İnsanlar) deveniñ nasıl yaratılğanına, kökniñ nasıl yükseltilgenine, dağlarnıñ nasıl tiklengenine, yer yüzüniñ nasıl yayılğanına bir baqmazlarmı?».
(«al-Ğaşiyya», 88:17-20)
Balqurtqa baqıñız, nasıl onı Yüce Allah (Subhanahu va Ta’alâ) yönete. Qırmısqağa baqıñız, nasıl Allah onı ögrete. Quşlarğa baqıñız, nasıl Allah olarnı qorçalay ve olarğa rızq bere.
وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ
«Rabbiñ balqurtqa: Dağlardan, tereklerden ve insanlarnıñ yapqan asmalarından özüñe evler (qobalar) edin. Soñra meyvalarnıñ er birinden aşa ve Rabbiniñ saña qolaylaştırğan yayıluv yollarına kir, diye ilham etti».
(«an-Nahl», 16:68).
Kenede Yüce Allah (Subhanahu va Ta’alâ) dey:
أَلَمْ يَرَوْا إِلَى الطَّيْرِ مُسَخَّرَاتٍ فِي جَوِّ السَّمَاءِ مَا يُمْسِكُهُنَّ إِلَّا اللَّهُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ
«Kökniñ boşluğında emirge boyun egdirilgen olaraq uçuşqan quşlarnı körmedilermi? Olarnı o yerde Allahtan başqası tutalmaz. Şübesiz, bunda inanğan bir toplum içün ibretler bardır».
(«an-Nahl», 16:79).
Bu şeylerde iman etken kimseler içün alâmetler bar! Eger saña bu şeylerde alâmetler olmasa, tüşünip baq!
Ey oraza tutqan kimse, seniñ içün Allahnıñ nasip etken niymetlerinden, Onıñ sonsuz bahşışlarından fikir et. Seniñ özüñde, Ondan ne qadar niymetler ve ediyeler bar! Ve Onıñ nasip etken en büyük ediyesi – bu seni seçip, saña İslâmnı nasip etkeni, saña Tauhidnı bergeni, saña Sunnetni bergeni, nasıl O saña nasip etti, nasıl O bizge kâinatta bütün olğan şeylerni boysundırdı.
يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ الَّذِي خَلَقَكَ فَسَوَّاكَ فَعَدَلَكَ * فِي أَيِّ صُورَةٍ مَّا شَاءَ رَكَّبَكَ
«Ey, insan! Seni yaratıp, seni tertipli ve ölçüli yapqan, seni istegen bir şeklinde birleştirgen, ihsanı bol Rabbiñe nisbeten seni aldatqan nedir?»
(«al-İnfitar», 82:6-8).
Ey Allahnıñ qulları! Eger biz tekaran vaqıtqa toqtasaq ve tüşünsek edi… Biz bu dunya aqqında tüşünmek kerekmiz. Şimdi, bu Ramazanda, bu dunya aqqında tüşünmege eñ güzel vaqıttır. Bu hayat ne qadar sefildir, Ahiretnen qiyaslanğanda, bu hayat ne qadar alçaqtır. Ne qadar bu hayat tez keçkendir! Mında bütün sefalar qısqa ve qasevetke, efkârğa ve sıqıntığa çevirilmektedir. Bu hayatqa kirgen er bir kimse, ondan çıqarken yanına bir şey alıp olamay. Öyle ise, sarğoşlanğanlarnıñ vaqıtı kelmedimi aceba – çünki çoqumız, onı añnamadan sarğoş olamız. Bu hayatnıñ coşqunlığınen, arzularınen, eglencilerinen, zenginlik artından çapmaqnen sarğoşlanğanlarğa, haqnı añnamaq içün, aqiqaten uyanmağa vaqıt kelmedimi aceba? Yüce Allah (Subhanahu va Ta’alâ) Quranda bizge haber ete, bu hayat kökten yağğan yağmur kibi, bu yağmurnen bütün yer ösümlikleri qarışa (yani ösümlikler öse), bu ösümliklerni insanlar ve ayvanlar aşaylar, bu yağmur sebebinden yer yüzü ziynetini taqınıp süslendi ki, insanlar – bu yerlerniñ saipleri, onıñ üzerinde qudret saibi olğanlarını zan etken bir sırada (olar şimdi mahsullarnı toplaycamız, dep tüşündiler), amma Allahnıñ emiri kele (Allahtan afat kele), ve Allah bu ekinlerni (bu yer güzelliklerini) tamırından qoparılaraq çalınğan bir alğa ketirdi, كَأَن لَّمْ تَغْنَ بِالْأَمْسِ — onı sanki dün yerinde yoq kibi. كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ — İşte, yahşı tüşünecek qavmlar içün ayetlerimizni böyle beyan etmektemiz.
(«Yunus», 10:24).
İbn Abbas (Allah ondan razı olsun) rivayet ete, Ümer ibn al-Hattab (Allah ondan razı olsun) bir kere Peyğamberimizge ﷺ kirdi, o hasır üstünde yata edi ve yanbaşlarında bu hasırnıñ izleri qalğan edi. O Peyğamberimizge ﷺ acuv ve sevgi ile dedi: «Ey Allahnıñ elçisi, sen bunıñ yerine özüñe yımşaqça töşek alsa ediñ». Peyğamberimiz ﷺ oña böyle cevap berdi:
يا عُمرُ ما لي وللدُّنيا وما للدُّنيا ولي والَّذي نفسي بيدِه ما مَثَلي ومَثَلُ الدُّنيا إلَّا كراكبٍ سار في يومٍ صائفٍ فاستظَلَّ تحتَ شجرةٍ ساعةً مِن نهارٍ ثمَّ راح وترَكها
«Ey Ümer, maña bu dunya ne ve bu dunyağa maña qarşı ne? Aqiqaten (menim ruhum Onıñ Qolunda olğanınen yemin etem), meni ve bu hayatnı yolcunen qıyaslamaq mümkün, bu yolcı sıcaq künde keterken, bir terek sayasında tekaran vaqıtqa raatlanmağa toqtadı, son ise bu terekni qaldırıp öz yolunı devam etti».
İbn Hibban öz «Sahihinde» rivayet etti (6352).
Bizde ayni öylemiz. Biz sadece yolcumız, bu hayat ise – biz tekaran vaqıtqa toqtağanımız bir terek, ey Allahnıñ qulları.
Bunıñ qarşısında – ebediylik, Ebediy hayat (ahiret). Onıñ ebediyligine fikir et, onıñ dülberligi, hayırı ve sefaları bitecek degil, anda ğam, qaar qasevet yoq. Yüce Allah (Subhanahu va Ta’alâ) Cennetke kirgen kimseler aqqında bizge haber ete… Olar ne aytalar?
وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ إِنَّ رَبَّنَا لَغَفُورٌ شَكُورٌ
«Bizden qasevetni ketkizgen Allahqa hamd olsun. Doğrusı, Rabbimiz çoq bağışlayıcı, çoq nimet bericidir».
(«Fatır», 35:34).
Anda sonsuz hayırlar, hayat anda istiqrarlı. Er bir ruh, er vaqıt istiqrarlı, bahıtlı hayat istey.
فِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ
«O yerde canları istegen, közleri oşlanğan er şey bardır. Siz o yerde ebediy qalacqsıñız».
(«az-Zuhruf», 43:71).
وَإِنَّ الدَّارَ الْآخِرَةَ لَهِيَ الْحَيَوَانُ لَوْ كَانُوا يَعْلَمُونَ
«Bu dünya ayatı, sadece bir eglenceden, bir oyundan ibaret. Keşke bilseler edi!».
(«al-Ankabut», 29:64).
Ne zaman sen bu dunya aqqında tüşündiñ ve ahiret aqqında tüşündiñ, endi ise ey Allahnıñ qulu fikir et: sen ise ne azırladıñ? Rabbiñni üzerine ketirecegiñ nasıl mal azırladıñ?
وَتَزَوَّدُوا فَإِنَّ خَيْرَ الزَّادِ التَّقْوَى وَاتَّقُونِ يَا أُولِي الْأَلْبَابِ
«Ahiret içün azıq toplañ. Biliñ ki, azıqnıñ eñ hayırlısı taqvadır».
(«al-Baqara», 2:197).
يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ
«Ey, iman etkenler! Allahtan qorquñ ve er kes yarınğa ne azırlağanına baqsın».
(«al-Haşr», 59:18).
O künü saña ne mal-mülk, ne qoranta, ne bala-çağa yardım etip olamaz, tek Yüce Allahqa (Subhanahu va Ta’alâğa) temiz qalp ile kelgenler.
Bu ibadet – fikir etmek (tefekkür), ey Allahnıñ qulları, insannı Cennetke qarşı qıbırdamağa zorlata, çünki ne vaqıt insan fikir etip başlay, ne vaqıt oña bilgi kele, o qutrtulış yollarını aramağa başlay ve hayır ameller yapıp başlay.
Hasan al-Basri (Allahnıñ rahmetinde olsun) halifke, Ümer ibn Abdul-Azizge mektüp yazdı. «Bilki, fikir etmek (tefekkür) hayırğa ve hayır yapmağa alıp kete, yapılğan zulümge peşman etmek insannı zulüm yapmaqtan toqtata». Son ise o böyle güzel sözler ayttı:
وليس ما يفنى وإن كان كثيرًا يعدل ما يبقى
«Şübesiz, faniy şey o çoq olsa bile, ebediynen, — onıñ qazanılması zor olsa bile, bir olmaz». Devamında o böyle dedi:
«Ebediy zevqnıñ yerini alacaq tez keçecek zorluqqa dayanmaq, zorluqlarnı yerini alacağı tez keçecek zevqlerni almaqtan daan hayırlıdır».
Kömülmekten evvel fikir etkenlerge Yüce Allah rahmet eylesin. Fikir etken, ve bu onı hayırlı davranmağa zorlatqan, öz hatalarını ve günahlarını ölüm kelgene qadar deniştirmege zorlatqan kimseni.
Bu hayat aqqında fikir etken, amma oña qarşı egilmegen ve ahiret aqqında fikir etken ve oña qarşı öz qalbini yöneltken kimsege Yüce Allah rahmet eylesin. Ebet, o, bu maddiy hayatta ecnebiy, çünki onıñ quvançı mında degil, çünki onıñ quvançı barış meskeninde (daru s-salâm), qurtulış meskeninde Selâmnıñ Rabbisinde – kâinatnıñ Rabbisi, Allahtadır.
Тазе тефсирлер