بسم الله الرحمن الرحيم
Latin urufatında oqumaq
Эй мусульманлар, мубарек ве буюк он куннинъ босагъасында булунмакътамыз! Юдже Аллах Озюнинъ сонъсуз ниметлери себебинден айры вакъытларны, кунь ве айларны сечти ве бу вакъытта япылгъан ибадетлер Юдже Аллах ичюн даа севимли ве устюндир. Онынъ ичюн эр бир мусульман бунъа буюк эмиет айырмакъ керектир. Биз сизлер иле сененинъ энъ онемли бир вакъыт девирине кирмектемиз – бу Зуль-хиджа айнынъ энъ буюк ве энъ онемли, биринджи он куню. Юдже Аллах (Субханаху ва Та’аля) бу куньлерни юксельтти ве Озь Китабында оларнен емин этти:
«Феджрге, он геджеге емин этерим!»
Къуран, аль-Фаджр суреси, 89:1-2.
Бу он гедженинъ манасына Рамазан айнынъ сонъки он геджеси кире биле ве келеджек Зуль-хиджа айнынъ биринджи он куню кире биле. Ибн Аббас айткъаны киби, бу аетте Зуль-хиджа айнынъ биринджи он куню акъкъында лаф юргюзиле.
Рамазан айнынъ сонъки геджелерининъ энъ гузели – Къадр геджесидир. Сененинъ энъ гузель куньлеринден исе – бу Арефе куню ве къурбан байрам кунюдир.
Джабирден (Аллах ондан разы олсун) ривает этиле ки, Пейгъамберимиз ﷺ бойле деди: «Бу дуньянынъ энъ гузель куньлери – бу Зуль-хиджа айнынъ биринджи он кунюдир!»
Кенеде Пейгъамберимиз ﷺ бойле деди: «Бу куньлерерде япылгъан хайыр амел Юдже Аллахнен севимли олгъаны киби башкъа куньлер ёкътыр».
Онынъ ичюн, эй Аллахнынъ къуллары, Юдже Аллах огюнде пек чокъ истигъфар япынъыз, Ондан багъышлав соранъыз, Онъа дуалар иле мураджаат этинъиз, текбир кетиринъиз, фарз ве нафиле намазларынъызны энъ гузель шекильде япынъыз, ораза тутынъыз, садакъалар беринъиз, Къуран окъунъыз ве дигер хайыр амеллер япынъыз ве Юдже Аллахкъа хакъ къайтмакънен къайтынъыз. Гюнахлардан ве сёзден чыкъмакътан узакълашынъыз. Бельки сиз багъышлангъанларндан олурсынъыз.
Бу мубарек вакъыт, Юдже Аллахкъа якъынлашмакъ ичюн бир фырсаттыр. Мусульман киши бу фырсатны къачырмамакъ керектир. Сонъ пешман япмамакъ ичюн биринджи он куньге айры бир дикъкъатнен ве гъайретнен кельмек керектир.
Чокъ хадислерде Пейгъамберимизден ﷺ ривает этиле ки, бу куньлерде чокъ хайыр ве темизлейеджек амеллер япмакъ керектир.
Ибн Аббастан ривает этиле ки, Пейгъамберимиз ﷺ бойле деди: «Юдже Аллах ичюн Зуль-хиджа айнынъ биринджи он кунюнде япылгъан хайыр амель киби башкъа севимли амеллер ёкътыр». Ондан сорадылар: «Аллах ёлунда дженк япмакъмы биле?!»
Пейгъамберимиз ﷺ бойле джевап берди: «Аллах ёлунда дженк япмакъ биле, тек Аллах ёлуна чыкъып озь джаныны ве малыны телюке эткен ве бундан бир шейсиз къайткъан инсанны саймасакъ».
Аллах Буюктир! Бу хадис санъа бу куньлерни къийметини ве сенинъ ичюн олгъан буюк фырсатны корьсетмейми аджеба?
Эй мусульманлар, Юдже Аллахнынъ Озь къулларына корьсеткен мерхаметине дикъкъат олунъыз, Зуль-хиджа айнынъ бу куньлеринде япылгъан эр бир амели дигер вакъыт Аллах ёлунда япылгъан дженктен даа устюн япты!
Имам Ибн Къудама бойле деди: «Зуль-хиджанынъ он кунюнден эр бири итибарлы ве урьметлидир, бу куньлерде япылгъан амеллернинъ мукяфаты зияделешмекте. Ве бу куньлернинъ девамында ибадетте гъайрет корьсетмек керектир!»
Ривает этиле ки, Зуль-хиджа айнынъ биринджи он куню кельгенинен Са’ид ибн Джубайр ибадетте ойле бир гъайрет корьсеткен ки, оннен бир кимсе мукъаесе олмагъан.
Са’ид ибн Джубайр исе бу куньлернинъ гедже намазларында гъайрет корьсетмеге давет эткен ве бойле деген: «Зуль-хиджанынъ биринджи он кунюнде озь къандиллеринъизни сёндюрменъиз!»
Бу хадисте айтылмагъан ки, насыл ибадетлер япмакъ керек. Демек, бу куньлерде япылгъан эр бир ибадет Юдже Аллахнынъ огюнде эсаптадыр.
Бу куньлерде дикъкъат этеджегинъ шей – бу Юдже Аллахкъа якъынлаштыраджакъ ибадетлер, Аллахнынъ санъа тайин эткен фарзлары. Фарзларнынъ арасында исе энъ онемлиси – бу Юдже Аллахнынъ эмир эткен намазыдыр. Чюнки айтылгъан ки:
«Меним къулум онъа эмир этильген шейден гъайры бир шейнен якъынлашып оламаз».
Бу он кунь ненен айырылгъанына дикъкъат этинъиз. Оларнынъ хусусиети шунда ки, бу он кунь ичинде Ислямнынъ бутюн шартлары бир ерге кельгендир. Аллах Буюктир! Намаз, зекят, ораза ве хадж — дёрт шарты. Олар ич бир вакъыт бир ерде берабер олмай, тек бу мубарек куньлерде. Бу куньлерде Юдже Аллахкъа къаршы япылгъан энъ онемли ибадетлер бир ерде топлангъан.
Онынъ ичюн бу куньлерде Юдже Аллах огюнде озюнъни энъ гузель тарафындан корьсетмеге тырыш. Намаз къылмакъ ичюн джамиге бар, анда эртедже кельмеге тырыш. Къуран окъумакъны зияделештир, Юдже Аллахны пек чокъ анъ, Аллахтан истигъфар ве арынмакъны сора.
Фарз намазларыны энъ гузель шекильде япмагъа тырыш ве суннет намазларына ихмал этме. Чаренъ олгъаны къадар Юдже Аллахны чокъ анъ. Даа онемлиси тахлильге, текбирге ве тахмидке дикъкъат ол, чюнки Пейгъамберимиз ﷺ бойле деди:
«Бу куньлерде чокъча тахлиль (ля иляха илля-Ллах), текбир (Аллаху акбар) ве тахмид (альхамдули-Ллях) келимелерини айтынъыз».
Бу куньлерде Шариат иле эмир этильген ве юксек ер алгъан амеллерден бириси – бу ораза. Ораза озь озюнден буюк ибадетлерден бирисидир. Бир заман Эбу Умама Пейгъамберимизден ﷺ сорады:
«Эй Аллахнынъ эльчиси, бизлерни Дженнетке кирсетеджек бир амель тайин эт». Пейгъамберимиз ﷺ бойле деди: «Ораза тут, чюнки онъа ошагъаны асла ёкъ».
Ораза — бу Аллахнынъ джезасындан къорчалайыджыдыр, бу гуняхлардан къорчалайыджыдыр.
Ве Пейгъамберимизнинъ ﷺ апайларындан бириси ривает эткен ки, о ﷺ Зуль-хиджа айнынъ докъуз кунюнде ораза туткъан.
Онынъ ичюн бу къийметли куньлерни къачырмакътан мукъайт ол.
Эй Аллахнынъ къуллары, бу мубарек куньлерде джёмерлик корьсетип даа зияде садакъа бермеге тырышынъыз. Сой акъраба багъыны къавилештирмеге тырышынъ, чаренъиз олгъан къадар чокъ хайыр амеллер япмагъа тырышынъ, чюнки хайыргъа алып кеткен ёллар чокътыр. Бу фырсатларны къачырманъ – хайырни эр бир шекилинде япмагъа тырышынъ.
Бу куньлерде бельки бозулгъан багъларны догъуртмакъ керекмиз. Бу Аллахнен олгъан багъ, Онынъ эмирлерини юксельтмек иле ве Онъа къаршы таби олмакъ иле, Онъа умют этмек иле.
••🔹••❁⚜️❁••🔹••┈┈••🔹••❁⚜️❁••🔹••❁⚜️❁••🔹••❁⚜️❁••🔹••┈┈••🔹••❁⚜️❁••🔹••
Zul-Hica aynıñ birinci on kününiñ qiymeti
Ey musulmanlar, mubarek ve büyük on künniñ bosağasında bulunmaqtamız! Yüce Allah Özüniñ soñsuz nimetleri sebebinden ayrı vaqıtlarnı, kün ve aylarnı seçti ve bu vaqıtta yapılğan ibadetler Yüce Allah içün daa sevimli ve üstündir. Onıñ içün er bir musulman buña büyük emiyet ayırmaq kerektir. Biz sizler ile seneniñ eñ önemli bir vaqıt devirine kirmektemiz – bu Zul-hica aynıñ eñ büyük ve eñ önemli, birinci on künü. Yüce Allah (Subhanahu va Ta’alâ) bu künlerni yükseltti ve Öz Kitabında olarnen yemin etti:
«Fecrge, on gecege yemin eterim!»
Quran, al-Facr suresi, 89:1-2.
Bu on geceniñ manasına Ramazan aynıñ soñki on gecesi kire bile ve kelecek Zul-hica aynıñ birinci on künü kire bile. İbn Abbas aytqanı kibi, bu ayette Zul-hica aynıñ birinci on künü aqqında laf yürgüzile.
Ramazan aynıñ soñki geceleriniñ eñ güzeli – Qadr gecesidir. Seneniñ eñ güzel künlerinden ise – bu Arefe künü ve qurban bayram künüdir.
Cabirden (Allah ondan razı olsun) rivayet etile ki, Peyğamberimiz ﷺ böyle dedi: «Bu dunyanıñ eñ güzel künleri – bu Zul-hica aynıñ birinci on künüdir!»
Kenede Peyğamberimiz ﷺ böyle dedi: «Bu künlererde yapılğan hayır amel Yüce Allahnen sevimli olğanı kibi başqa künler yoqtır».
Onıñ içün, ey Allahnıñ qulları, Yüce Allah ögünde pek çoq istiğfar yapıñız, Ondan bağışlav sorañız, Oña dualar ile muracaat etiñiz, tekbir ketiriñiz, farz ve nafile namazlarıñıznı eñ güzel şekilde yapıñız, oraza tutıñız, sadaqalar beriñiz, Quran oquñız ve diger hayır ameller yapıñız ve Yüce Allahqa haq qaytmaqnen qaytıñız. Günahlardan ve sözden çıqmaqtan uzaqlaşıñız. Belki siz bağışlanğanlarndan olursıñız.
Bu mubarek vaqıt, Yüce Allahqa yaqınlaşmaq içün bir fırsattır. Musulman kişi bu fırsatnı qaçırmamaq kerektir. Soñ peşman yapmamaq içün birinci on künge ayrı bir diqqatnen ve ğayretnen kelmek kerektir.
Çoq hadislerde Peyğamberimizden ﷺ rivayet etile ki, bu künlerde çoq hayır ve temizleyyecek ameller yapmaq kerektir.
İbn Abbastan rivayet etile ki, Peyğamberimiz ﷺ böyle dedi: «Yüce Allah içün Zul-hica aynıñ birinci on kününde yapılğan hayır amel kibi başqa sevimli ameller yoqtır». Ondan soradılar: «Allah yolunda cenk yapmaqmı bile?!»
Peyğamberimiz ﷺ böyle cevap berdi: «Allah yolunda cenk yapmaq bile, tek Allah yoluna çıqıp öz canını ve malını telüke etken ve bundan bir şeysiz qaytqan insannı saymasaq».
Allah Büyüktir! Bu hadis saña bu künlerni qiymetini ve seniñ içün olğan büyük fırsatnı körsetmeymi aceba?
Ey musulmanlar, Yüce Allahnıñ Öz qullarına körsetken merhametine diqqat oluñız, Zul-hica aynıñ bu künlerinde yapılğan er bir ameli diger vaqıt Allah yolunda yapılğan cenkten daa üstün yaptı!
İmam İbn Qudama böyle dedi: «Zul-hicanıñ on kününden er biri itibarlı ve ürmetlidir, bu künlerde yapılğan amellerniñ mukâfatı ziyadeleşmekte. Ve bu künlerniñ devamında ibadette ğayret körsetmek kerektir!»
Rivayet etile ki, Zul-hica aynıñ birinci on künü kelgeninen Sa’id ibn Cubayr ibadette öyle bir ğayret körsetken ki, onnen bir kimse muqayese olmağan.
Sa’id ibn Cubayr ise bu künlerniñ gece namazlarında ğayret körsetmege davet etken ve böyle degen: «Zul-hicanıñ birinci on kününde öz qandilleriñizni söndürmeñiz!»
Bu hadiste aytılmağan ki, nasıl ibadetler yapmaq kerek. Demek, bu künlerde yapılğan er bir ibadet Yüce Allahnıñ ögünde esaptadır.
Bu künlerde diqqat etecegiñ şey – bu Yüce Allahqa yaqınlaştıracaq ibadetler, Allahnıñ saña tayin etken farzları. Farzlarnıñ arasında ise eñ önemlisi – bu Yüce Allahnıñ emir etken namazıdır. Çünki aytılğan ki:
«Menim qulum oña emir etilgen şeyden ğayrı bir şeynen yaqınlaşıp olamaz».
Bu on kün nenen ayırılğanına diqqat etiñiz. Olarnıñ hususiyeti şunda ki, bu on kün içinde İslâmnıñ bütün şartları bir yerge kelgendir. Allah Büyüktir! Namaz, zekât, oraza ve hac — dört şartı. Olar iç bir vaqıt bir yerde beraber olmay, tek bu mubarek künlerde. Bu künlerde Yüce Allahqa qarşı yapılğan eñ önemli ibadetler bir yerde toplanğan.
Onıñ içün bu künlerde Yüce Allah ögünde özüñni eñ güzel tarafından körsetmege tırış. Namaz qılmaq içün camige bar, anda ertece kelmege tırış. Quran oqumaqnı ziyadeleştir, Yüce Allahnı pek çoq añ, Allahtan istiğfar ve arınmaqnı sora.
Farz namazlarını eñ güzel şekilde yapmağa tırış ve sunnet namazlarına ihmal etme. Çareñ olğanı qadar Yüce Allahnı çoq añ. Daa önemlisi tahlilge, tekbirge ve tahmidke diqqat ol, çünki Peyğamberimiz ﷺ böyle dedi:
«Bu künlerde çoqça tahlil (lâ ilâha illâ-Llah), tekbir (Allahu akbar) ve tahmid (alhamduli-Llâh) kelimelerini aytıñız».
Bu künlerde Şariat ile emir etilgen ve yüksek yer alğan amellerden birisi – bu oraza. Oraza öz özünden büyük ibadetlerden birisidir. Bir zaman Ebu Umama Peyğamberimizden ﷺ soradı:
«Ey Allahnıñ elçisi, bizlerni Cennetke kirsetecek bir amel tayin et». Peyğamberimiz ﷺ böyle dedi: «Oraza tut, çünki oña oşağanı asla yoq».
Oraza — bu Allahnıñ cezasından qorçalayıcıdır, bu günâhlardan qorçalayıcıdır.
Ve Peyğamberimizniñ ﷺ apaylarından birisi rivayet etken ki, o ﷺ Zul-hica aynıñ doquz kününde oraza tutqan.
Onıñ içün bu qiymetli künlerni qaçırmaqtan muqayt ol.
Ey Allahnıñ qulları, bu mubarek künlerde cömerlik körsetip daa ziyade sadaqa bermege tırışıñız. Soy aqraba bağını qavileştirmege tırışıñ, çareñiz olğan qadar çoq hayır ameller yapmağa tırışıñ, çünki hayırğa alıp ketken yollar çoqtır. Bu fırsatlarnı qaçırmañ – hayırni er bir şekilinde yapmağa tırışıñ.
Bu künlerde belki bozulğan bağlarnı doğurtmaq kerekmiz. Bu Allahnen olğan bağ, Onıñ emirlerini yükseltmek ile ve Oña qarşı tabi olmaq ile, Oña ümüt etmek ile.
Тазе тефсирлер